اقتوبە وبلىسىندا تاسىعان سۋ رەسپۋبليكالىق ماڭىزى بار جولدى جىرىپ كەتتى
«قازاۆتوجول» كومپانياسىنىڭ مالىمەتىنشە، ءبىرىنشى ءساۋىر كۇنى ساعات 17-00-دە تاسىعان سۋ «اقتوبە- اتىراۋ- ر ف شەكاراسى» رەسپۋبليكالىق ماڭىزى بار اۆتوجولدىڭ جارلى اۋىلىنا جاقىن تۇسىنداعى 283 شاقىرىمىندا جولدىڭ استىنا توسەلگەن قۇبىردى شايىپ كەتكەن.
قازىرگى ۋاقىتتا جول ۋاقىتشا جوندەلىپ، اۆتوكولىكتەردىڭ بارلىق ءتۇرىنىڭ قوزعالىسىنا اشىلعان. ايتا كەتەرلىگى، «قازاۆتوجول» سۋ باسىپ كەتۋ ءقاۋپى بار ۋچاسكەلەر ءتىزىمى جاساپ، 250-دەن استام ۋچاسكەنى انىقتادى. كومپانيانىڭ ءار وڭىرلىك فيليالى كوپىر استى ايماقتاردى، سۋ وتكىزۋ قۇبىرلارىن قاردان تازالاپ، اشىپ جاتىر. سونىمەن بىرگە كوپىر ارنالارىن تازالاۋ، سۋ تاسقىنىن بولدىرماۋ ءۇشىن ينەرتتى ماتەريالداردى دايىنداۋ جۇمىستارى جالعاسۋدا. كۇن سايىن اتالعان جۇمىستارعا 600-گە جۋىق ارنايى تەحنيكا جانە 1 مىڭنان استام جول قىزمەتكەرى جۇمىلدىرىلۋدا.
فوتو: mgorod.kz
