09:45, 02 - ءساۋىر 2022 | GMT +6
بيىلعى ورازا ايىندا بەرىلەتىن ءپىتىر ساداقانىڭ كولەمى قانشا
نۇر-سۇلتان. قازاقپارات - قازاقپارات وقىرماندارىنا بيىلعى رامازان ايىندا جاسالاتىن ءپىتىر ساداقانىڭ كولەمىن ەسكە سالادى.
بۇل جايلى تاياۋدا ەلوردادا باس ءمۇفتي ناۋرىزباي قاجى تاعان ۇلىنىڭ توراعالىعىمەن وتكەن قازاقستان مۇسىلماندارى ءدىني باسقارماسىنىڭ ءتورالقا ماجىلىسىندە بەلگىلى بولعان-دى.
جيىن بارىسىندا بيىلعى ءپىتىر مولشەرى 500 تەڭگە بولىپ بەلگىلەندى. ءپىتىر ساداقانىڭ مولشەرى ەلىمىز بويىنشا 2 كەلى ۇننىڭ ورتاشا باعاسىمەن ەسەپتەلدى. ال ۇننىڭ باعاسى ق م د ب- نىڭ قالا جانە وبلىس وكىلدىكتەرىنىڭ بەرگەن مالىمەتى نەگىزىندە انىقتالدى.
ايتا كەتەيىك، بۇعان دەيىن 2022 -جىلعى ورازا كەستەسى جاريالانعان بولاتىن. وندا قازاقستاننىڭ بۇكىل وڭىرلەرى قامتىلعان.
