زەلەنسكي مەن پۋتيننىڭ كەزدەسۋى قايدا وتەتىنى بەلگىلى بولدى
بۇل تۋرالى تۇركيا پرەزيدەنتى رەجەپ تايىپ ەردوعان ايتتى، دەپ حابارلايدى Bugin.kz پورتالى Hurriyet باسىلىمىنا سىلتەمە جاساپ.
ەردوعاننىڭ ايتۋىنشا، ۋكراينا مەن رەسەي دەلەگاتسيالارى اراسىنداعى كەلىسسوزدەر بارىسىندا جاسالعان كەلىسىمدەر ەكى ەل پرەزيدەنتتەرىنىڭ كەزدەسۋىنە نەگىز بولدى.
- «وسى كەزدەسۋدى ىستامبۇلدا وتكىزىپ، كەلەڭسىز پروتسەستەردى كەرى قايتارىپ، وڭ جولعا باعىتتاي الساق، ءبىز قۋانامىز»، - دەدى تۇركيا باسشىسى.
ەردوعان كەشە ۋكراينا پرەزيدەنتى زەلەنسكيمەن سويلەسكەنىن، بۇگىن پۋتينمەن سويلەسەتىنىن ايتتى.
ول زەلەنسكيدىڭ پۋتينمەن جەكە كەزدەسۋ مۇمكىندىگىنە وڭ كوزقاراستا ەكەنىن اتاپ ءوتتى.
- «ءبىز مۇنداي كەزدەسۋدى ۇيىمداستىرۋعا دايىن ەكەنىمىزدى، اسىرەسە قىرىم مەن دونباسقا قاتىستى قادامدار تۇرعىسىندا ءمالىم ەتتىك. زەلەنسكيدىڭ پىكىرى وڭ. پۋتين دە بۇعان دەيىن وڭ سويلەگەن. بۇگىنگى اڭگىمەنىڭ قورىتىندىسى بويىنشا كەزدەسۋ كۇنى انىقتالادى»، - دەدى ەردوعان.
