قازاقستاندىق جوعارى وقۋ ورىندارىندا جەمقورلىق بار-جوعى تەكسەرىلدى
ۇيىمداستىرۋشى - «امانات» پارتياسىنىڭ جاستار قاناتى، دەپ حابارلايدى قازاقپارات ءتىلشىسى.
پارتيانىڭ جاستار قاناتى نەبارى ءتورت كۇننىڭ ىشىندە، ياعني 28-31- ناۋرىز ارالىعىندا بەلسەندىلەر 64 جوعارى وقۋ ورنىن ارالاپ، قازاقستان بويىنشا 20 مىڭ ستۋدەنتتەن سۇحبات العانىن حابارلادى.
«اكسيانىڭ باستى شارتى - ادالدىق پەن قۇپيالىلىق. سوندىقتان بارلىق مۇددەلى تاراپتاردى قاتىسۋعا شاقىرامىن. بىرلەسىپ قانا ۋنيۆەرسيتەتتەردەگى سىبايلاس جەمقورلىقتى جويىپ، ۇلتتىق تاربيەنىڭ دەڭگەيىن كوتەرۋگە ۇلەس قوسا الامىز»، - دەدى اكسيا باستالعان كۇنى جاستار قاناتىنىڭ ءتوراعاسى نۇرجان جەتپىسبايەۆ.
بەلسەندىلەر جوعارى وقۋ ورىندارىنىڭ سانى بۇدان دا كوپ ەكەنىن، ءبىراق TAZA SESSIYA- عا قاتىسۋعا ءبارى بىردەي كەلمەيتىنىن ايتادى.
ساۋالناماعا تاۋەلسىز باقىلاۋشىلار، سونىڭ ىشىندە حالىقارالىق گروسسمەيستەر جانسايا ابدىمالىك، بلوگەر الماس ساعىن ۇلى جانە ەكسترەمالدى سپورتشى ساكەن قاعاروۆ، باسقا دا قوعام قايراتكەرلەرى، سونداي-اق جەرگىلىكتى اتقارۋشى ورگانداردىڭ جانىنداعى «ادالدىق الاڭى» جوبالىق كەڭسەلەرىنىڭ وكىلدەرى قاتىستى.
«امانات» پارتياسىنىڭ جاستار قاناتىنداعى اكسيانىڭ سوڭعى قورىتىندىسى اعىمداعى جىلدىڭ ءساۋىر ايىنىڭ سوڭىندا جاريالانادى دەپ جوسپارلانۋدا.
ەستەرىڭىزگە سالا كەتەيىك، «TAZA SESSIYA» اكسياسى 8 جىلدان بەرى وتكىزىلىپ كەلەدى.
ماسەلەن، 2020-جىلدىڭ قورىتىندىسى بويىنشا رەسپوندەنتتەردىڭ %12,5 ءوز ۋنيۆەرسيتەتىندە سىبايلاس جەمقورلىق فاكتىلەرى بار ەكەنىن ايتتى، بۇل ءبىر جىل بۇرىنعىدان %0,3 عا از. 2020-جىلى ساۋالناماعا 20710 ادام قاتىستى، ونىڭ %63,3 ى 2- كۋرس جانە ودان جوعارى (%46,5 ايەلدەر، %53,4 ەرلەر) ستۋدەنتتەرى.
ەمتيحاندار مەن سىناقتاردى تاپسىرۋ كەزىندە سىبايلاس جەمقورلىق فاكتىلەرى ءجيى كەزدەسەدى، مۇنى اكسياعا قاتىسۋشىلاردىڭ %23,8 ايتتى. بۇل رەتتە «ورتاشا پارا» اشكەرەلەنىپ، 400 مىڭ تەڭگەگە ستۋدەنتتەرگە اقىلى وقۋ تۇرىنەن بيۋجەتتىك وقۋ تۇرىنە اۋىسۋ، 260 مىڭ تەڭگەگە اسكەري كافەدراعا ءتۇسۋ، «وتە جاقسى» دەگەن ديپلومدىق جۇمىستى قورعاۋ ۇسىنىلدى.
«150- مىڭ، ال سەسسيانى «اۆتوماتتى تۇردە» ءوتۋ ءۇشىن - 22 مىڭ تەڭگە. وتكەن جىلى ج و و- لاردىڭ قاشىقتىقتان وقىتۋعا كوشۋىنە بايلانىستى اكسيا وتكىزىلمەدى.
