قازاقستانداعى اسكەري كافەدرالار قانداي ماماندىقتارعا وقىتادى

نۇر-سۇلتان. قازاقپارات - ق ر قورعانىس ءمينيسترى رۋسلان جاقسىلىقوۆ ازاماتتاردى اسكەري كافەدرالارعا قابىلداۋ مەحانيزمىن ءتۇسىندىرىپ بەردى، دەپ حابارلايدى قازاقپارات ءتىلشىسى.

«جوعارى جانە جوعارى وقۋ ورنىنان كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن بىلىم بەرۋ ۇيىمدارىندا وقۋعا زاپاستاعى وفيتسەرلەر مەن سەرجانتتار باعدارلاماسى بويىنشا اسكەري- ەسەپتىك ماماندىقتار بويىنشا اسكەري دايارلىققا جىل سايىنعى قابىلداۋ ءۇشىن ازاماتتار سانىن ايقىنداۋ ۆەدومستۆولىق بۇيرىق نەگىزىندە جۇرگىزىلەدى. جۇمىلدىرۋ قاجەتتىلىگىنە ونىڭ ىشىندە زاڭگەرلەر، قارجىگەرلەر، دارىگەرلەر، مۋزىكانتتار جانە باسقالار سياقتى اسكەري-ەسەپتىك ماماندىقتار كىرەدى»، - دەپ جاۋاپ بەردى رۋسلان جاقسىلىقوۆ دەپۋتاتتىق ساۋالعا.

ءمينيستردىڭ ايتۋىنشا، ج ج و ك ب ۇ- دا زاپاستاعى وفيتسەرلەر مەن سەرجانتتاردى دايارلاۋ جۇيەسى قازىرگى زامانعى دامۋ كەزەڭىندە قارۋلى كۇشتەردىڭ، باسقا دا اسكەرلەردىڭ، اسكەري قۇرالىمداردىڭ ناقتى جۇمىلدىرۋ قاجەتتىلىگىنە جاۋاپ بەرەدى.

سونىمەن قاتار كەلەسى مىندەتتەردى شەشۋگە مۇمكىندىك بەرەدى:

1) قارۋلى كۇشتەردى ستراتەگيالىق ورىستەتۋ ءۇشىن قاجەتتى اسكەري وقىتىلعان رەزەرۆتىڭ جەتكىلىكتى سانىن دايارلاۋدى جانە جيناقتاۋدى جۇزەگە اسىرۋعا؛

2) اناعۇرلىم قاجەتتى اسكەري ماماندىقتار بويىنشا مامانداردى دايارلاۋدا مۇمكىندىكتەردى كەڭەيتۋگە؛

3) وفيتسەرلەر مەن سەرجانتتار قۇرامىنىڭ اسكەري وقىتىلعان رەزەرۆىن قاجەتتى كولەمدە قامتاماسىز ەتۋگە جانە قولداۋعا؛

4) ق ر قارۋلى كۇشتەرى، باسقا دا اسكەرلەرى مەن اسكەري قۇرالىمدارى وفيتسەرلەر قۇرامىنىڭ العاشقى لاۋازىمدارىن قوسىمشا جاساقتاۋ ءۇشىن رەزەرۆتى دايارلاۋدى جەتىلدىرۋگە؛

5) ولاردىڭ وڭىرلىك ورنالاسۋىن ەسكەرە وتىرىپ، اسكەري كافەدرالاردىڭ بار الەۋەتىن ءتيىمدى پايدالانۋ بەيبىت جانە سوعىس ۋاقىتىندا جاساقتاۋ ماسەلەلەرىن عانا ەمەس، اسكەري-پاتريوتتىق تاربيەلەۋ جانە جاستارعا تەرىس اقپاراتتىق ىقپال ەتۋگە قارسى ءىس-قيمىل ماسەلەلەرىن دە شەشۋگە مۇمكىندىك بەرەدى.