كەڭسە قاعازى نەگە قىمباتتاپ كەتتى: مينيسترلىكتىڭ تۇسىندىرمەسى
وسى ورايدا ق ر يندۋستريا جانە ينفراقۇرىلىمدىق دامۋ مينيسترلىگى قاعاز باعاسىنىڭ وزگەرۋى جانە وتاندىق وندىرۋشىلەرگە قاتىستى مالىمدەمە جاسادى، دەپ حابارلايدى قازاقپارات ءتىلشىسى.
«وتكەن جىلى ەلىمىزگە A4 فورماتىنداعى كەڭسە قاعازىنىڭ 20,4 ميلليون قاپتاماسى (51 مىڭ توننا) جەتكىزىلدى. ونىڭ ىشىندە، %61 (31,3 مىڭ توننا) رەسەي فەدەراتسياسىنان، %30 (15,1 مىڭ توننا)، تۇركيادان جانە %8 (4 مىڭ توننا) ق ح ر- دان يمپورتتالدى.
وسىلايشا، قازاقستان نارىعىندا A4 فورماتىنداعى قاعاز ونىمدەرىنىڭ باسىم بولىگى «سنەگۋروچكا» جانە SvetoCopy برەندتەرىمەن ۇسىنىلعان»، - دەلىنگەن حابارلامادا.
مينيسترلىكتىڭ مالىمدەۋىنشە، وتكەن جىلدىڭ قورىتىندىسى بويىنشا A4 قاپتاماسىنىڭ ورتاشا كوتەرمە باعاسى 1,5 مىڭ تەڭگەنى قۇرادى. سونداي-اق، 2021-جىلى وتاندىق كاسىپورىندار 600 مىڭ قاپتاما A4 فورماتتى قاعاز شىعاردى.
«بيىل ناۋرىز ايىنا قاراي باعالار ورتا ەسەپپەن ءبىر مىڭ تەڭگەگە نەمەسە %67 عا ءوستى. قازىر ءىرى جەتكىزۋشىلەر كەڭسە قاعازىنىڭ 1 قاپتاماسىن 3 مىڭ تەڭگە كوتەرمە باعامەن ساۋدالاپ جاتىر. باعانىڭ وزگەرۋى باتىس ەۋروپادان قاعاز شيكىزاتىن اعارتۋعا ارنالعان رەاگەنتتەردى جەتكىزۋدەگى ىركىلىستەرگە بايلانىستى جانە رەسەيدە كەڭسە قاعازىن ءوندىرۋ كولەمىنىڭ قىسقارۋىنا وراي ورىن الىپ وتىر»، - دەپ ءتۇسىندىردى اتالعان ۆەدومستۆو قاعاز باعاسىنىڭ قىمباتتاۋى توڭىرەگىندەگى جاعدايدى.
بۇگىندە قازاقستاندا كەڭسەگە ارنالعان قاعازدى كەسۋ جانە وراۋ بويىنشا 2 زاۋىت جۇمىس ىستەيدى.
وتكەن جىلى اتالعان كاسىپورىندار 600 مىڭ A4 قاعاز ءوندىرىپ، ىشكى نارىقتاعى تۇتىنۋ كولەمىنىڭ %5 ىن قامتىعان.
«Qagaz Ordasy» ج ش س جىلىنا 3 ميلليون بۋما، ال «Goida.kz» 3,6 ميلليون A4 كەڭسە قاعازىن شىعاراتىن وندىرىستىك قۋاتقا يە. كەسۋگە جانە بۋىپ-تۇيۋگە ارنالعان قاعاز ورامدارى تۇرىندەگى شيكىزاتتىڭ نەگىزگى بولىگى ر ف مەن فينليانديادا وندىرىلەدى. الايدا، رەسەيلىك زاۋىتتار بۇل كومپانيالارعا قاعاز ورامدارىن تىكەلەي ساتپاي، ولاردى قازاقستانداعى ءوز وكىلدەرى («ليتان» ج ش س جانە «رەزەرۆسناب پليۋس») ارقىلى ساۋدالايدى. سايكەسىنشە، ساۋدا-ساتتىقتى شەكتەپ وتىر»، - دەپ جازىلعان رەسمي مالىمەتتە.
