قازاقستاننان كولىك العىسى كەلەتىن رەسەيلىكتەر كوبەيدى
كورشى ەل تۇرعىندارىنىڭ كولىك ىزدەپ، ەلىمىزدىڭ سولتۇستىك وڭىرلەرىنە اعىلۋىنا بىرنەشە سەبەپ بار. رەسەيدە شەتەلدىك ماشينا قۇراستىراتىن ءبىرقاتار زاۋىت جۇمىسىن توقتاتقان. دايىن تەحنيكالار جەتكىزىلمەيدى. ال قازاقستاندىق جاڭا كولىكتەردىڭ باعاسى بۇرىنعى كۇيدە. ەڭ ارزانى 5 ميلليون 700 مىڭ تەڭگە.
ازىرگە رەسەيلىكتەر كولىك تاڭداۋمەن اۆتوسالوندارعا ونلاين جانە وففلاين سۇرانىم جىبەرىپ جاتىر. ەگەر ولار جاپپاي ساتىپ الۋدى باستاسا، كەزەكتە تۇرعان وتانداستارىمىز كولىگىن ۇزاق كۇتۋى مۇمكىن - دەيدى ماماندار.
ەۆگەني بيبەر، ديلەرلىك اۆتوورتالىقتىڭ ساتۋ جونىندەگى ديرەكتورى:
- رەسەي ازاماتتارى بىزدەن بۇرىن دا كولىكتەر ساتىپ الاتىن. نەگىزىنەن ليۋكس ساناتىنداعى قىمباتىن تاڭداپ ءجۇردى. ال بۇل جولعى وتىنىمدەردىڭ دەنى ەڭ ارزانىنا تيەسىلى. سۇرانىس ۇسىنىستان جوعارى بوپ تۇر. دەمەك وتاندىق ماشينا قۇراستىرۋ زاۋىتتارى باعانى وسى قالپىندا ۇزاق ۇستاي المايدى دەگىم كەلەدى.
