اسحات ايماعامبەتوۆ تۇلەكتەرگە ۋنيۆەرسيتەت تاڭداۋدا كەڭەس بەردى

None
None
نۇر- سۇلتان. قازاقپارات - بيىل مەكتەپ بىتىرەتىن وقۋشىلارعا حات جازعان ق ر ءبىلىم جانە عىلىم ءمينيسترى اسحات ايماعامبەتوۆ ولارعا ۋنيۆەرسيتەت تاڭداۋدا قاپەردە ۇستايتىن ءبىرقاتار كەڭەس بەردى، دەپ حابارلايدى قازاقپارات ءتىلشىسى.

«قادىرلى دوستار! «قانداي ۋنيۆەرسيتەتتى تاڭداپ، قايدا وقىعان دۇرىس؟» دەپ تە ويلاپ جۇرگەن بولارسىزدار؟ وسى رەتتە بىرنەشە كەڭەس بەرۋدى ءجون ساناپ وتىرمىن. ءبىرىنشى. ج و و- نىڭ جۇمىس بەرۋشىلەر رەيتينگىندەگى ورنىمەن، كادر قۇرامىمەن، وقۋ جاعدايلارىمەن تانىسىڭىز. ەكىنشى. قانداي باعدارلاما بويىنشا وقۋ جۇرگىزىلەتىنىن قاراڭىز. سونداي- اق ماماندىقتاردىڭ اتاۋى بىردەي ەستىلىپ، ءبىراق مازمۇنى ايتارلىقتاي وزگەشە بولۋى مۇمكىن. سول سەبەپتى ۇزدىك الەمدىك تاجىريبەگە سۇيەنە وتىرىپ، ۋنيۆەرسيتەتتەردىڭ بارلىق باعدارلاماسىنىڭ ءتىزىلىمىن جاسادىق. ەندى ول بارىنە قولجەتىمدى. ءۇشىنشى. ۋنيۆەرسيتەتتىڭ بەدەلىن باعالاڭىز. قازىر ج و و- لار ءوز ۇلگىسىندەگى ديپلومداردى بەرەدى. دەگەنمەن ۋنيۆەرسيتەت بەرەتىن ديپلومنىڭ قاعازىنان بۇرىن، ونىڭ قانداي ماماندى دايىنداپ شىعاراتىنى ماڭىزعا يە»، - دەپ جازدى مينيستر Facebook پاراقشاسىندا.

تورتىنشىدەن، مينيستر ۋنيۆەرسيتەتتىڭ اككرەديتاتسياسىنا نازار اۋدارۋعا كەڭەس بەرەدى. ونىڭ اتاپ وتۋىنشە، ەگەر ول ەڭ مىقتى اككرەديتتەۋ ۇيىمدارىنان وتسە، وندا ساپانىڭ بولاتىنىنا سەنۋگە بولادى.

«بەسىنشى. ۋنيۆەرسيتەتتى تاڭداۋ كەزىندە ءسىزدى كۇماندى ارزان وقۋ نەمەسە ساباققا قاتىسپاۋ مۇمكىندىگى سياقتى ويلار قىزىقتىرماۋى ماڭىزدى. سەبەبى جۇمىس بەرۋشىلەر ديپلومدى جارامسىز دەپ تانىپ، قاراجاتىڭىز بەن ۋاقىتىڭىز بوسقا شىعىن بولۋى مۇمكىن. التىنشى. قازاقستاندىق ج و و- نى تاڭداۋعا كەڭەس بەرەمىن. ءبىزدىڭ ۋنيۆەرسيتەتتەردىڭ ساپاسى كورشى ەلدەردىڭ كوپتەگەن ۋنيۆەرسيتەتىنەن اسىپ تۇسەتىنىن سەنىممەن ايتا الامىن»، - دەدى اسحات ايماعامبەتوۆ.

اۆتور: مارلان جيەمباي

سوڭعى جاڭالىقتار