قورعانىس مينيسترلىگى اسكەري دارىگەر بولعىسى كەلەتىن جاستاردى ىزدەستىرىپ جاتىر
بۇل تۋرالى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى. قازاقستان اسكەرىنە مەديتسينا ماماندارىن اقتوبەدەگى اۋە قورعانىسى كۇشتەرى اسكەري ينستيتۋتىنىڭ اسكەري- مەديتسينا فاكۋلتەتى، سانكت- پەتەربۋرگتەگى اسكەري- مەديتسينا اكادەمياسى جانە ەريەۆان مەملەكەتتىك مەديتسينا ۋنيۆەرسيتەتىنىڭ اسكەري- مەديتسينا فاكۋلتەتى دايىندايدى.
بيىل وقۋ ورىندارىنا 40 كۋرسانتتى وقۋعا قابىلداۋ جوسپارلانىپ وتىر. سونىمەن بىرگە، سانكت- پەتەربۋرگتەگى اسكەري- مەديتسينالىق اكادەميا ۇلداردى دا، قىزداردى دا وقۋعا قابىلدايدى. وقۋ بارىسىندا كۋرسانتتار تولىقتاي مەملەكەت تاراپىنان قامتاماسىز ەتىلەدى.
«وقۋدى اياقتاعان بولاشاق اسكەري دارىگەرلەرگە «لەيتەنانت» اسكەري اتاعى بەرىلەدى. جاس مامانداردا قارۋلى كۇشتەردە اسكەري قىزمەت وتكەرە وتىرىپ، ينتەرناتۋرادا وقۋىن جالعاستىرۋعا مۇمكىندىك بار. اسكەري وقۋ ورىندارىنا تۇسكىسى كەلەتىن تالاپكەر بيىلعى جىلدىڭ مامىر ايىنان كەشىكتىرمەي تۇرعىلىقتى جەرى بويىنشا جەرگىلىكتى اسكەري باسقارۋ ورگاندارىنا حابارلاسۋى قاجەت»، - دەلىنگەن حابارلامادا.
