بيىل تۇلەكتەرگە ۇ ب ت- نى ەكى رەت تاپسىرۋعا رۇقسات بەرىلەدى

None
None
نۇر- سۇلتان. قازاقپارات - بيىل تۇلەكتەرگە ۇلتتىق ءبىرىڭعاي تەستىلەۋدى ەكى رەت تاپسىرۋعا رۇقسات بەرىلەدى.

بۇل جايىندا بيىل مەكتەپ بىتىرەتىن وقۋشىلارعا حات جازعان ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«جاقسى جاڭالىق تا بار. Instagram-دا مەنى بەلگىلەپ، گرانتقا ءتۇسۋ ءۇشىن ءبىر ەمەس، ەكى رەت ۇ ب ت تاپسىرۋ تۋرالى ءوتىنىش جازىپ جۇرگەندەرىڭىزدى بىلەمىن. شەشىم قابىلداۋ كەزىندە ءبىز وقۋشىلاردىڭ ۇسىنىسىن، قىزىعۋشىلىعىن نازاردان شىعارماۋعا تىرىسامىز. سول سەبەپتى وسى جولى دا سىزدەردىڭ ۇسىنىستارىڭىز بويىنشا شەشىم قابىلدادىق. ياعني ەندى سىزدەر ەكى رەت ۇ ب ت تاپسىرىپ، گرانتقا تۇسۋگە مۇمكىندىك الاسىزدار. بۇل شارا ەموتسيونالدى سترەسس دەڭگەيىن تومەندەتەتىنىنە سەنىمىمىز مول»، - دەپ جازدى مينيستر Facebook پاراقشاسىندا.

سونىمەن قاتار ول تۇلەكتەرگە ۇلتتىق ءبىرىڭعاي تەستىلەۋ سىناعىنان سۇرىنبەي وتۋلەرىنە تىلەكتەس ەكەنىن جەتكىزدى.

«بىلىمدەرىڭىزدىڭ ارقاسىندا جوعارى ناتيجەگە قول جەتكىزىپ، گرانتقا يە بولىڭىزدار! بارشاڭىزعا ساتتىلىك تىلەيمىن!»، - دەدى اسحات ايماعامبەتوۆ.

اۆتور: مارلان جيەمباي

سوڭعى جاڭالىقتار