ا ق ش پرەزيدەنتى گاز باعاسىن تومەندەتۋ ءۇشىن اسا ءىرى كولەمدە مۇناي شىعاراتىنىن مالىمدەدى

None
None
نۇر- سۇلتان. قازاقپارات - ا ق ش گاز باعاسىن تومەندەتۋ جانە ەلدەگى ينفلياتسيامەن كۇرەسۋ ءۇشىن ستراتەگيالىق قوردان كۇنىنە 1 ميلليون باررەل مۇناي ءبولىپ وتىرادى، دەپ حابارلايدى قازاقپارات ءتىلشىسى.

بايدەن اكىمشىلىگى تاراتقان اقپاراتقا سايكەس، ا ق ش پرەزيدەنتى الداعى التى اي بويى ستراتەگيالىق قورعا قول سالماق. سەبەبى، وتاندىق وندىرۋشىلەر گاز ءوندىرۋدى ارتتىرىپ جاتىر.

«بۇنىڭ اۋقىمى تەڭدەسسىز: الەمدە مۇنداي ۋاقىت ارالىعىندا كۇنىنە 1 ميلليون باررەل مۇناي قورىن شىعارۋ ەشقاشان بولعان ەمەس. وسى رەكوردتىق مۇناي شىعارۋ تاريحي كولەمگە قول جەتكىزىپ، جىلدىڭ اياعىنا دەيىن ىشكى ءوندىرىس جاندانعانشا جاعدايدى ۇستاپ تۇرۋعا مۇمكىندىك بەرەدى»، - دەلىنگەن اق ءۇيدىڭ باسپا ءسوز رەليزىندە.

ايتا كەتەيىك، بەيسەنبى كۇنى مۇناي باعاسى تومەندەدى. Brent ماركالى مۇنايدىڭ مامىر ايىنا فيۋچەرستەرى % 4- كە باررەلىنە 108,89 دوللارعا دەيىن ازايدى. امەريكا مۇنايى دا ارزانداپ، كەشەگى سەسسيا بارىسىندا 100,16 دوللار دەڭگەيىندە ساتىلدى. بۇل مالىمدەمەنى اق ءۇي رەسەيدىڭ ۋكرايناداعى ارنايى وپەراتسياسىنا بايلانىستى ەنەرگيا كوزدەرىنىڭ كۇرت قىمباتتاۋىنا قارسى امالدار قاراستىرىپ جاتقان كەزدە جاسادى.

گەوساياسي جاعداي ۋشىققان سايىن مۇناي مەن تابيعي گاز باعاسى كوتەرىلىپ، ولاردىڭ قولجەتىمدى بولۋى الاڭداۋشىلىق تۋعىزىپ وتىر. شيكى مۇناي باعاسىنىڭ ءوسۋى ا ق ش- تا بەنزيننىڭ قىمباتتاۋىنا اكەپ سوقتىردى. ءبىر گاللون بەنزين باعاسى 4,23 دوللارعا جەتتى، ءبىر جىل بۇرىن ول 2,87 دوللار تۇرعان ەدى. بۇل بارلىق تاۋارلاردىڭ قىمباتتاۋىنا، جىلدىق ينفلياتسيانىڭ % 7,9 دەيىن كوتەرىلۋىنە الىپ كەلدى.

Wells Fargo Securities ەنەرگەتيكا جونىندەگى اعا ساراپشىسى رودجەر ريدتىڭ ايتۋىنشا، بايدەن جوسپارلاپ وتىرعان ستراتەگيالىق قوردان الىناتىن كولەم كۇندەلىكتى الەمدەگى مۇناي ءوندىرىسىنىڭ % 1 جانە ا ق ش تۇتىناتىن مۇنايدىڭ %5- ن قۇرايدى.

اۆتور: اقبوپە ءابدراسۋل

سوڭعى جاڭالىقتار