14:40, 01 - ءساۋىر 2022 | GMT +5
پرەزيدەنت «وتىرار سازى» وركەسترىنىڭ جەتەكشىسى دينارا تىلەنديەۆانى قابىلدادى
نۇر-سۇلتان. قازاقپارات - پرەزيدەنت قاسىم- جومارت توقايەۆ «وتىرار سازى» وركەسترىنىڭ جەتەكشىسى دينارا تىلەنديەۆانى قابىلدادى. بۇل تۋرالى اقوردادان ءمالىم ەتتى، دەپ حابارلايدى قازاقپارات.
كەزدەسۋ بارىسىندا قازاق مادەنيەتىن دامىتۋ ماسەلەلەرى تالقىلاندى. دينارا تىلەنديەۆا قازاقستان پرەزيدەنتىنە «وتىرار سازى» مەملەكەتتىك اكادەميالىق فولكلورلىق-ەتنوگرافيالىق وركەسترىنىڭ قىزمەتى مەن الداعى جوسپارى تۋرالى مالىمەت بەردى.
اتاپ ايتقاندا، ول ءبىرقاتار پەرسپەكتيۆتى جوبانى جۇزەگە اسىرۋ جايىندا، ونىڭ ىشىندە يتاليالىق تەنور اندرەا بوچەلليدىڭ رەپەرتۋارىنداعى جانە باسقا دا قازاقتىڭ حالىق اسپاپتارىندا وينايتىن بەلگىلى مۋزىكانتتاردىڭ تانىمال شىعارمالارىن ورىنداۋ جونىندە باياندادى. 2025 -جىلى اسا كورنەكتى كومپوزيتور نۇرعيسا تىلەنديەۆتىڭ تۋعانىنا 100 جىل تولادى. كەزدەسۋدە وسى مەرەيتويعا ارنايى نازار اۋدارىلدى. قاسىم-جومارت توقايەۆ اتالعان ماڭىزدى وقيعانى كەڭ كولەمدە اتاپ ءوتۋ قاجەت ەكەنىن ايتتى.
