قازاقستاندا قانداي جانۋارلاردى ۇيدە ۇستاۋعا بولمايدى؟
پاتەردە اسىراۋعا بولمايتىن تىرشىلىك يەلەرىنىڭ قاتارىنا ادامعا قاۋىپتى جانە ەرەكشە كۇتىمدى تالاپ ەتەتىن ءۇي جانۋارلارى كىرەدى.
ولاردىڭ تولىق ءتىزىمىن ەكولوگيا، گەولوگيا جانە تابيعي رەسۋرستار مينيسترلىگى جاريالادى. جاڭا زاڭ 8-ساۋىردەن باستاپ كۇشىنە ەنەدى، دەپ حابارلادى 31-ارنانىڭ ينفورمبيۋرو اقپاراتتىق باعدارلاماسى.
تىزىمگە بارلىق كوبرالار، بارلىق مامب جىلاندارى، تايپاندار، بۋمسلانگ (اعاش جىلاندارى)، شاراپ جىلاندارىنىڭ بارلىق ءتۇرى، پيتون، جالعان اياقتى جىلان، شىنجىر جىلان، قۇمدى ەفا جىلانى، گابون جىلانى، كومودو كەسىرتكەسى مەن قولتىراۋىننىڭ بارلىق تۇرلەرى ەندى.
بۇل قاتاردا ءبىرقاتار قوسمەكەندىلەرگە، اراحنيدتەرگە، سونىڭ ىشىندە قاراقۇرتتار، شاياندار، تارانتۋلالار، يتبالىقتار، مورجدار، ايۋلار، ارىستاندار، بارىستار، سىلەۋسىندەر، پىلدەر، كەنگۋرۋ، بەگەموتتار، قولتىراۋىندار، مايمىلداردىڭ ءارتۇرلى تۇرلەرى بار.
بۇل تۋرالى «جانۋارلارعا جاۋاپكەرشىلىكپەن قاراۋ تۋرالى» زاڭدا كورسەتىلگەن. ال ەسكەرتۋدى ەلەمەگەندەر اكىمشىلىك جازاعا تارتىلادى. 30 مىڭ تەڭگەدەن باستاپ، 90 مىڭ تەڭگەگە دەيىن ايىپپۇل سالىنادى. زاڭ 8-ساۋىردەن باستاپ كۇشىنە ەنەدى.
«ادام ومىرىنە زيان كەلتىرەتىن جانۋارلاردى ۇيدە ۇستاۋعا تىيىم سالىنادى. بۇل - ءۇي جايلارىندا كۇتىپ باعۋعا، ولاردى قاراۋعا مۇمكىن بولمايتىن جانۋارلاردىڭ تىزبەسى. سونداي-اق، تىزىمدە ۇستاۋ كەزىندە ەرەكشە ءبىلىم مەن تاجىريبەنى قاجەت ەتەتىن جانۋارلار دا بار»، - دەيدى ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ماقسات ناسىر.
