جولدار ناشار: ەلوردا اكىمدىگى قالا تۇرعىنىنىڭ شاعىمىنا جاۋاپ بەردى

None
None
نۇر-سۇلتان. قازاقپارات - استانا اكىمدىگى قالا تۇرعىنىنىڭ اۆتوموبيل جولدارىنىڭ جاي- كۇيىنە قاتىستى شاعىمىنا جاۋاپ بەردى، دەپ حابارلايدى قازاقپارات ءتىلشىسى.

بۇعان دەيىن ەلوردا تۇرعىنى Facebook الەۋمەتتىك جەلىسىندە قالاداعى جولداردىڭ بىرىندەگى شۇڭقىرلارعا شاعىمدانعان بولاتىن.

«وتە ناشار جولدارعا قاتىستى قايدا شاعىمدانۋعا بولاتىنىن ايتا الاسىزدار ما؟ وكىنىشكە وراي سۋرەتتەرىن جۇكتەي المايمىن. كۇمىسبەكوۆ كوشەسىنىڭ بويى، ودان كەيىن بەكەتاي كوشەسى بومبا تۇسكەن سياقتى شۇڭقىردان كورىنبەيدى. كۇمىسبەكوۆتەن بوگەنباي داڭعىلىنا شىعار جەر دە وڭىپ تۇرعان جوق. ول جەردە ءتىپتى ءجۇرۋ مۇمكىن ەمەس. شۇڭقىرلاردىڭ تەرەڭدىگى 30-40 س م- گە جەتەدى. ارىپتەسىم ءدال وسى شۇڭقىرلاردان دوڭگەلەگىن تەسىپ الىپ، 8 مىڭ تەڭگەگە جوندەتتى. كۇزدە سول شۇڭقىرلاردى كىرپىشپەن تەگىستەپ قويعان ەدى. قازىر تۇگى دە قالمادى. نەگە ءبىز كولىگىمىزدى ءبۇلدىرۋىمىز كەرەك؟ قارمەن بىرگە اسفالتتىڭ دە جوعالىپ كەتكەنىن ەشكىم كورمەيدى؟ بۇل بارىپ تۇرعان باسسىزدىق قوي»، - دەپ جازدى ەلوردا تۇرعىنى.

وسىعان وراي قازاقپارات ءتىلشىسى قالا اكىمدىگىنە وسى ماسەلەگە وراي جۇگىنگەن بولاتىن.

نۇر-سۇلتان قالاسى اكىمدىگىنىڭ باسپا ءسوز قىزمەتى كۇمىسبەكوۆ كوشەسىنىڭ جولىن بوگەنباي باتىر داڭعىلىنان جانگەلدين كوشەسىنە دەيىن جوندەۋ بوگەنباي باتىر- كەنەسارى- كۇمىسبەكوۆ- سارىارقا كوشەلەرى شەكارالارىنداعى ينجەنەرلىك جەلىلەر مەن جولداردى سالۋ جوباسىندا كوزدەلگەنىن اتاپ وتەدى.

«نىسان اياقتالعان جوق جانە پايدالانۋعا بەرىلمەدى. قازىرگى ۋاقىتتا مەردىگەر ۇيىممەن كەلىسىمشارتتى بۇزۋ پروتسەدۋراسى جۇرگىزىلىپ جاتىر. جاڭا مەردىگەر ۇيىم انىقتالعانعا دەيىن ۋاقىتشا ءىس-شارا قابىلدانادى. اتاپ ايتقاندا، كولىك قۇرالدارىنىڭ قاۋىپسىز قوزعالىسىن قامتاماسىز ەتۋ ءۇشىن شۇڭقىرلار ينەرتتى ماتەريالدارمەن تەگىستەلەدى»، - دەپ اتاپ وتەدى باسپا ءسوز قىزمەتىنەن.

سوڭعى جاڭالىقتار