رەسەي جويقىن شابۋىلعا دايىندالىپ جاتىر - زەلەنسكي

نۇر-سۇلتان.قازاقپارات - ۋكراينانىڭ وڭتۇستىگى مەن دونباسستا جاعداي وتە اۋىر. رەسەي وسى ايماقتا جويقىن سوققىلار جاساۋعا ازىرلەنىپ جاتىر.

بۇل تۋرالى پرەزيدەنت ۆلاديمير زەلەنسكي ءداستۇرلى تۇنگى جولداۋىندا مالىمدەدى. سونداي- اق ونىڭ ايتۋىنشا، كرەمل باسىپ العان حەرسون ايماعىندا رەفەرەندۋم وتكىزۋى مۇمكىن. بۇدان باسقا رەسەي اسكەرىن ماريۋپول ماڭىنا توپتاستىرىپ جاتىر.

ۆلاديمير زەلەنسكي، ۋكراينا پرەزيدەنتى:

- اقپان ايىنىڭ 5-كۇنى مەن ناۋرىز بويى باسقىنشىلار بارلىق تاراپتان - قۇرلىقتان، اۋەدەن، تەڭىزدەن شابۋىل جاساپ، ىشكە قاراي تەرەڭدەي ەنۋدى كوزدەدى. ءبىراق ءبىز تويتارىس بەردىك. ءبىز ولاردىڭ جوسپارىن جاقسى ءبىلىپ وتىرمىز. ەكى جاق تا جەڭىسكە جەتكىسى كەلەدى. ءبىزدى الدا ءالى سۇراپىل مايدان كۇتىپ تۇر. ءبىز باسقىنشىلاردى تىزە بۇكتىرۋ ءۇشىن بارىمىزدى سالامىز، ولىسپەي بەرىسپەيمىز.

«ازوۆ» ارنايى كۇشتەرى تالقاندالدى

رەسەي بيلىگى ماريۋپول قالاسىنان قاشىپ شىقپاق بولعان «ازوۆ» ارنايى كۇشتەرىن تاس- تالقان ەتكەنىن حابارلادى. سونداي- اق ۋكراينانىڭ 2 تىكۇشاعى اتىپ تۇسىرىلگەن.

گاز ءۇشىن تولەمدەر رۋبلگە اۋىستىرىلادى

ۆلاديمير پۋتين، رەسەي پرەزيدەنتى:

- رەسەيدىڭ تابيعي گازىن نيەتتەس ەمەس ەلدەرگە ساتۋدى رەتتەيتىن جارلىققا قول قويدىم. ەندى رەسەيدىڭ كوگىلدىر وتىنىن الۋ ءۇشىن رەسەي بانكتەرىنەن رۋبلمەن ەسەپ ايىرىساتىن شوت اشۋ قاجەت بولادى. گاز جەتكىزۋگە ارنالعان بۇل تولەم جۇيەسى 1-ساۋىردەن كۇشىنە ەنەدى. ەگەر بۇل شارت جاسالماسا، وندا كەلىسىم- شارتتىڭ تالاپتارى ورىندالمايدى.

www.24.kz