الماتى تۇرعىنى ايەلى مەن بالاسىن پەرزەنتحانادان «كامازبەن» شىعارىپ الدى - فوتو

الماتى. قازاقپارات- الماتى تۇرعىنى ايەلى مەن ۇلىن پەرزەنتحانادان شىعارىپ الۋ ءۇشىن بەس «كامازبەن» كەلدى، دەپ حابارلايدى قازاقپارات ءتىلشىسى.

بۇگىن الماتىنىڭ №4-پەرزەنتحانا قىزمەتكەرلەرى ەرەكشە كورنىستىڭ كۋاسى بولدى. ەر ادام ايەلى مەن ۇلىن بەس «كاماز» اۆتوكولىگىمەن الىپ كەتۋگە كەلدى. گۇلميرا باتىرباي 27-ناۋرىزدا دۇنيەگە ۇل الىپ كەلدى. ونىڭ سالماعى 3 كەلى 900 گرام، بويى 55 س م.

«ءبىزدىڭ ەكى بالامىز بار - ۇل جانە قىز. بۇل ءبىزدىڭ ءۇشىنشى بالامىز. ۇلىمىزعا ايتورە دەگەن ەسىم بەردىك. مەنىڭ كۇيەۋىم كاماز اۆتوكولىگىنىڭ جۇرگىزۋشى بولىپ جۇمىس ىستەيدى. پەرزەنتحانادان شىعارۋدىڭ وسىلاي بولعانى مەن ءۇشىن ناعىز توسىنسىي بولدى. مەن جۇبايىمنىڭ وسىنداي سالتاناتتى شەرۋمەن كەلەدى دەپ ويلامادىم. مەن وتە باقىتتىمىن! مەن ءۇشىنشى بالامدى №4-پەرزەنتحانادا دۇنيەگە اكەلدىم. وسىنداعى بارلىق مەديتسينا قىزمەتكەرلەرىنە العىس ايتامىن»، - دەيدى گۇلميرا باتىرباي.

اۆتور: الما مۇقانوۆا