قازاقستاننىڭ بىرنەشە قالاسىندا جارىلعىش زات قويىلعانى تۋرالى حابارلامالار ءتۇستى
«قازاقستاننىڭ ءبىرقاتار قالاسىنداعى ءتۇرلى وبەكتىلەردە ورناتىلعان جارىلعىش قۇرىلعىلار تۋرالى كەلىپ تۇسكەن حابارلامالارعا بايلانىستى كەلۋشىلەر مەن پەرسونالدى ەۆاكۋاتسيالاۋ، عيماراتتاردى قورشاۋ جۇرگىزىلدى، ارنايى تەحنيكا مەن قىزمەتتىك- ىزدەستىرۋ يتتەرىن قولدانا وتىرىپ، ءتيىستى قىزمەتتەر مەن مامانداردىڭ وبەكتىلەردى تەكسەرۋى قامتاماسىز ەتىلدى. اتالعان فاكتىلەر بويىنشا ق ر قىلمىستىق كودەكسىنىڭ 273-بابى بويىنشا سوتقا دەيىنگى تەرگەۋ باستالدى، ونىڭ سانكسياسىندا 5 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن» دەپ حابارلادى ق ر ءى ءى م باسپا ءسوز قىزمەتى.
ىشكى ىستەر مينيسترلىگى سالىنعان جارىلعىش زات تۋرالى كورىنەۋ جالعان اقپارات تاراتۋ قىلمىستىق جاۋاپتىلىققا اكەپ سوعاتىنىن ەسكەرتەدى. تۇرعىنداردى سابىرلىق ساقتاۋعا، وتكىزىلەتىن ءىس- شارالارعا جانە قابىلداناتىن قاۋىپسىزدىك شارالارىنا تۇسىنىستىكپەن قاراۋعا جانە تەك رەسمي اقپاراتقا سەنۋگە شاقىرامىز.