قازاقستاندا قۇرىلىس ماتەريالدارى ارزانداۋى مۇمكىن بە

None
None
نۇر-سۇلتان. قازاقپارات - ارماتۋرا باعاسى جىل اياعىنا دەيىن تونناسىنا 500 مىڭ تەڭگەدەن ءتۇسۋى مۇمكىن.

بۇل تۋرالى قازاقستان قۇرىلىسشىلارى قاۋىمداستىعىنىڭ ءتوراعاسى ۆيكتور ميكريۋكوۆ ءمالىم ەتتى، دەپ حابارلايدى قازاقپارات ءتىلشىسى.

«مەملەكەتتىك تاپسىرىستار اياسىندا تۇرعىن ءۇي سالۋشىلار مەن جەكە نارىقتا ءۇي سالىپ جۇرگەن كومپانيالار كوروناۆيۋرس شەكتەۋلەرى ەنگىزىلگەن كەزدەن بەرى كۇيزەلىسپەن جۇمىس ىستەپ جاتىر دەپ ايتۋعا بولادى. اۋەلى مامان تاپشلىعى بويىنشا كۇيزەلىس بولعان ەدى. ونىڭ ارتىنان قۇرىلىس ماتەريالدارىنىڭ قىمباتشىلىعى كۇيزەلىس تۋعىزدى. وسىنىڭ سالدارىنان شەكتەۋلەر باسەڭدەگەن كەزدە قۇرىلىس ماتەريالدارىنا دەگەن سۇرانىس بىرنەشە ەسە ءوستى. ەندى رەسەي فەدەراتسياسىنا قارسى سالىنعان سانكتسيالاردىڭ كۇيزەلىسى ءتونىپ تۇر. ءبىزدى ول كۇيزەلىس اينالىپ وتپەيتىنى انىق»، - دەدى ول كونفەرەنتسيادا. ايتۋىنشا، قازىر قۇرىلىستىڭ قۇنى 10 پايىزدان ارتىق قىمباتتاعان.

«قۇرىلىستىڭ وزىندىك كۇنى قىمباتتاپ بارادى. ماتەريالدار ورتا ەسەپپەن %10-25 كوتەرىلدى. قيىرشىق تاس، ارماتۋرا سياقتى جەكەلەگەن پوزيتسيالاردى الىپ قاراساق، %100 ارتىق قىمباتتاعان. ارماتۋرا باعاسى قالىپقا كەلىپ، تونناسىنا 250 مىڭ تەڭگە بولادى دەپ ۇمىتتەنەمىز. ءبىراق ازىرگە ول ءۇمىتتىڭ ورىندالاتىن سىڭايى جوق»، - دەدى قاۋىمداستىق باسشىسى.

سونداي-اق، ول قۇرىلىس ماتەريالدارىنىڭ ارزانداۋ ىقتيمالدىعى تۋرالى پىكىر ءبىلدىردى.

«2021 -جىلى ارماتۋرا باعاسى تونناسىنا 323 مىڭ تەڭگە بولاتىن. قازىر ول 507 مىڭ تەڭگە. جىل اياعىنا قاراي باعانىڭ ءتۇسۋىن كۇتىپ وتىرمىز. ال بەتون باعاسى ۇدايى وسۋدە، تومەندەيتىن ءتۇرى جوق. گاز- بلوك باعاسى جىل سوڭىنا قاراي تۇراقتى ءمانىن كورسەتەتىن شىعار. ءبىراق ماتەريالدىڭ ءبارى جاپپاي ارزانداپ، باسپانانىڭ شارشى مەترى ارزاندايدى دەپ كۇتۋدىڭ قاجەتى جوق»، - دەدى ۆيكتور ميكريۋكوۆ.

سوڭعى جاڭالىقتار