سوڭعى كەزدەرى ەداۋىر قىمباتتاپ كەتكەن مۇناي باعاسى ءتۇستى

None
None
نۇر-سۇلتان. قازاقپارات - Brent ماركالى مۇنايدىڭ باعاسى بەيسەنبى كۇنى باررەلىنە 107,06 دوللارعا دەيىن ارزاندادى، دەپ حابارلايدى قازاقپارات انادولى اگەنتتىگىنە سىلتەمە جاساپ.

سارسەنبى كۇنى بولعان سوڭعى ساۋدادا بۇل مۇناي ماركاسىنىڭ باررەلى 114,80 دوللارعا جەتىپ، ساۋدا 111,44 دوللارمەن اياقتالدى.

31- ناۋرىز تاڭعى ساعات 09:12 دەگى جاعداي بويىنشا، قىمبات مۇناي ماركاسىنىڭ باعاسى 4 پايىزعا ارزانداپ، باررەلى 107,06 دوللار بولعان.

WTI ماركالى مۇناي فيۋچەرستەرىنىڭ قۇنى باررەلىنە 102,58 دوللار بولدى. باعانىڭ تومەندەۋىنە ا ق ش- تىڭ الداعى ايلاردا ستراتەگيالىق مۇناي قورىنىڭ 180 ميلليون باررەلىن ساتۋ جوسپارى اسەر ەتتى.

ا ق ش پرەزيدەنتى دجو بايدەن مۇناي ساتۋ تۋرالى 31- ناۋرىز، بەيسەنبى كۇنى مالىمدەيدى دەپ حابارلانعان.

ساراپشىلاردىڭ پىكىرىنشە، مۇناي قورىنىڭ كوپ مولشەرىن ساتۋ باعانىڭ ءوسۋىن بەلگىلى ءبىر ۋاقىتقا دەيىن ءتيىمدى تۇردە شەكتەۋى مۇمكىن. حالىقارالىق ەنەرگەتيكالىق اگەنتتىك جۇما كۇنى مۇناي تاسىمالداۋ ماسەلەسىن تالقىلاۋ ءۇشىن كەزەكتەن تىس مينيسترلىك جينالىسىنا شاقىردى.

وسىعان وراي، جينالىستا قورلاردى ساتۋ تۋرالى شەشىم قابىلدانۋى مۇمكىن دەگەن ءۇمىت ارتتى.

اتالعان جاعداي مۇناي باعاسىنىڭ تومەندەۋىنە اسەر ەتىپ وتىر. بۇگىن وتەتىن مۇناي ەكسپورتتاۋشى ەلدەر (وپەك) مينيسترلەرىنىڭ جانە وپەككە كىرمەيتىن ەلدەردىڭ 27- كەزدەسۋىندە توپ ءوزىنىڭ قازىرگى وندىرىستىك ساياساتىن ۇستانادى دەپ كۇتىلۋدە.

سوڭعى جاڭالىقتار