تاۋلى قاراباق: پاشينيان ءازىربايجاندى ايىپتادى

None
None
نۇر-سۇلتان. قازاقپارات - ارمەنيا پرەمەر-ءمينيسترى نيكول پاشينيان ءازىربايجاندى تاۋلى قاراباقتا تۇراتىن بارلىق ارميانداردى دەپورتاتسيالاۋعا تىرىستى دەپ ايىپتادى.

بۇل تۋرالى تاسس جازادى، دەپ حابارلايدى Bugin.kz پورتالى.

پاشينياننىڭ ايتۋىنشا، باكۋ قاراباق جانجالىن شەشۋگە ەمەس، «جابۋعا» ۇمتىلادى.

«اسكەران اۋدانى پارۋح اۋىلىنان باستالعان وپەراتسيانىڭ جالعاساتىنى انىق. ءىس جۇزىندە ءازىربايجان تاۋلى قاراباقتان بارلىق ارميانداردى دەپورتاتسيالاۋعا تىرىسۋدا، وسىلايشا بۇل ماسەلەنى جابىق دەپ سانايدى»، - دەدى ول ۇكىمەت وتىرىسىندا.

پاشينيان باكۋ ءوز مالىمدەمەلەرىمەن ارمەنيا مەن قاراباققا جاسالعان اۋقىمدى شابۋىلدى زاڭداستىرۋعا تىرىساتىنىن اتاپ ءوتتى.

ول 14- ناۋرىزدا ەريەۆان ءازىربايجاننىڭ بەيبىت كەلىسىم جاساۋ تۋرالى بەس تارماقتان تۇراتىن ۇسىنىسىنا جازباشا جاۋاپ جىبەرگەنىنە سەندىردى.

باكۋ ماسكەۋدى «ارميان ارمياسىنىڭ قالدىقتارى مەن زاڭسىز ارميان قارۋلى قۇرىلىمدارىنىڭ ايماقتان تولىق شىعارىلۋىن قامتاماسىز ەتۋگە» شاقىردى.

سوڭعى جاڭالىقتار