ەڭبەك ءمينيسترى زەينەتاقىنىڭ ەڭ تومەنگى جەتكىلىكتى شەگىن وسىرۋگە قاتىستى پىكىر ءبىلدىردى
مينيستر سەناتتا تىلشىلەر ساۋالىنا جاۋاپ بەرە وتىرىپ، ۆەدومستۆوعا ءتيىستى ۇسىنىس كەلىپ تۇسپەگەنىن ايتتى.
كەز كەلگەن ۇسىنىستى مينيسترلىك ەگجەي-تەگجەيلى پىسىقتاپ، ءوزىنىڭ ۇستانىمىن جاريالايتىن بولادى. سونىمەن قاتار س. شاپكەنوۆ زەينەتاقى جيناعان ءبىرىنشى كەزەكتە لايىقتى دەڭگەيدە بولۋى كەرەك ەكەنىن اتاپ ءوتتى.
«جەتكىلىكتى شەگىنە توقتالساق، بۇل ماسەلەگە ءتۇرلى پريزمالار ارقىلى قاراۋ كەرەك. ب ج ز ق - ول ادامداردىڭ ءوزىنىڭ لايىقتى زەيناتاقىسىنا جيناعان قاراجاتى. وسىدان قاراجاتتى ۇنەمى الا بەرسەك، وندا ەرتەڭ ادام زەينەت جاسىنا جەتكەندە ەڭ تومەنگى زەينەتاقىنى الاتىن بولادى. بۇل دۇرىس پا؟ سوندىقتان ەڭبەك مينيسترىلىگى ءبىرىنشى كەزەكتە بولاشاق زەينەتكەرلەردىڭ قۇقىعىن قورعايدى. بۇل تۇرعىدا ءبىزدىڭ ۇستانىمدى ايتاتىن بولساق، ەل ازاماتتارى زەينەت جاسىنا جەتكەندە، ونىڭ تابىسىنا سايكەس لايىقتى زەينەتاقىسى بولۋى كەرەك»، - دەدى مينيستر.
ايتا كەتەيىك، الەۋمەتتىك جەلىدە ق ر پارلامەنتى ءماجىلىسىنىڭ دەپۋتاتى امانجان جامالوۆ ۇكىمەتتى زەينەتاقى جيناقتارىنىڭ ەڭ تومەنگى جەتكىلىكتى شەگىن قولدانۋ مەرزىمىن 2022-جىلدىڭ سوڭىنا دەيىن ۇزارتۋعا شاقىردى.
