قوسشىداعى تۇرعىن ءۇي كەشەنى مەردىگەرلەرى تەرگەلىپ جاتىر
بۇل تۋرالى قوسشى قالالىق پوليتسيا ءبولىمىنىڭ باستىعى تالعات ساقانوۆ قازاقپارات تىلشىسىنە ايتىپ بەردى. «Diamond park» تۇرعىن كەشەنىنە قاتىستى قىلمىستىق ءىستى ءساۋىردىڭ 10-نا دەيىن تەرگەپ، پروكۋراتۋراعا جولدايمىز. وسى ىسكە قاتىستى ەكى مەردىگەردە قازىرگى كەزدە ۋاقىتشا ۇستاۋ ورتالىعىنا قامالعان. ۇلەسكەرلەردىڭ بارلىعى قىلمىستىق ءىس بارىسىندا زارداپ شەگۋشىلەر دەپ تانىلعان»، - دەپ ءتۇسىندىردى قوسشى قالالىق پوليتسيا ءبولىمىنىڭ باستىعى، پوليتسيا پولكوۆنيگى تالعات ساقانوۆ.
ايتا كەتسەك، اتالمىش «Diamond park» تۇرعىن ءۇي كەشەنىندەگى 20 ءۇيدىڭ تەك 13- ءى سالىنعان. بۇل رەتتە العاشقى جەتى ءۇي عانا قاجەتتى قۇجاتتارمەن پايدالانۋعا بەرىلدى. قالعان جەتى ءۇيدىڭ ۇلەسكەرلەرى ءۇش جىلدان بەرى قۇرىلىستىڭ اياقتالۋىن جانە قۇرىلىستى زاڭداستىرۋدى تاعاتسىزدانا كۇتۋدە. بۇل رەتتە قالا اكىمدىگى «Diamond park» تۇرعىن ءۇي كەشەنىندەگى ۇلەسكەرلەردىڭ ماسەلەسى نازاردا ەكەنىن ايتتى.
اۆتور: اسلان وسپانوۆ
