12:03, 31 - ناۋرىز 2022 | GMT +5
الماتى اكىمى زيالى قاۋىم وكىلدەرىمەن كەزدەستى
الماتى. قازاقپارات- الماتىدا قالا اكىمى ەربولات دوسايەۆ زيالى قاۋىم وكىلدەرىمەن كەزدەستى، دەپ حابارلايدى قازاقپارات ءتىلشىسى.
كەزدەسۋگە بارلىعى 40-تان استام ونەر، مادەنيەت جانە عىلىم قايراتكەرلەرى قاتىستى. كەزدەسۋ بارىسىندا ەربولات دوسايەۆ ادامي كاپيتالدىڭ جوعارى ساپاسىن، ونىڭ ىشىندە الماتىنىڭ عىلىمي، شىعارماشىلىق جانە مادەني الەۋەتىنىڭ زور ەكەنىن اتاپ ءوتتى.
زيالى قاۋىم وكىلدەرى ونەر مەن ادەبيەتتىڭ دامۋ دەڭگەيى، شىعارماشىلىق شەبەرحانالاردى ۇيىمداستىرۋ قاجەتتىلىگى، ءداستۇرلى مۋزىكانى دامىتۋ، قالا مۋزەيلەرىن جاڭعىرتۋ جانە تاعى دا باسقا وزەكتى ماسەلەلەردى كوتەردى.
قالا اكىمى زيالى قاۋىم وكىلدەرىنە يدەيالارى ءۇشىن العىس ايتىپ، اتقارىلعان جۇمىستاردىڭ ناتيجەلەرى مەن ۇتىمدى پىكىرلەرمەن الماسۋ ءۇشىن وسىنداي كەزدەسۋلەردى تۇراقتى تۇردە وتكىزىپ وتىرۋدى ۇسىندى.
اۆتور: دۋمان ارعىنگەلدى
