قاڭتار وقيعاسى: الماتىدا پوليتسيا عيماراتىنا شابۋىل جاساعانداردىڭ ءبىرى ۇستالدى

الماتى. قازاقپارات - كولىك پوليتسەيلەرى قاڭتار وقيعاسى كەزىندە الماتىدا پوليتسيا عيماراتىنا شابۋىل جاساعانداردىڭ ءبىرىن ۇستادى، دەپ حابارلايدى قازاقپارات ءتىلشىسى.

ق ر ءى ءى م كولىكتەگى پوليتسيا دەپارتامەنتىنىڭ باستىعى وڭال بەكەيەۆتىڭ ءمالىم ەتكەنىندەي، الماتى قالاسىندا تۇراتىن جامبىل وبلىسىنىڭ 24 جاستاعى تۋماسى قولعا ءتۇستى.

ونى الماتى قالاسىنىڭ اۋەجايىندا قاڭتار ايىنداعى وقيعالار كەزىندە جاسالعان قىلمىستاردى تەرگەۋمەن اينالىساتىن كولىكتەگى پوليتسيا دەپارتامەنتىنىڭ جەدەل تەرگەۋ توبى بەينەباقىلاۋ كامەرالارىنىڭ جازبالارىن زەرتتەۋ ناتيجەسىندە انىقتادى.

«كۇدىكتىنىڭ 5 - قاڭتاردا تارتىپسىزدىكتەرگە قاتىسۋشىلارمەن بىرگە قارۋ- جاراق دۇكەنىنەن قارۋ ۇرلاپ، الماتى قالاسىنىڭ اۋەاجايىنا قارۋلى شابۋىل جاساعاندىعى بەلگىلى بولدى. سودان كەيىن سىبايلاستارىمەن بىرگە الماتى قالاسى پوليتسيا دەپارتامەنتىنىڭ عيماراتىنا بارىپ، عيماراتتى تاڭعى ساعات 6-عا دەيىن قورشاۋدا ۇستاۋعا قاتىسقان»، دەدى پوليتسيا گەنەرال- مايورى.

بۇدان سوڭ ول ۇرلانعان قارۋدى بەلگىسىز بىرەۋگە ساتىپ جىبەرگەن.

«قازىر كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى سانكسيالاندى. تەرگەۋ امالدارى جۇرگىزىلۋدە»، دەدى و. بەكەيەۆ.

اۆتور: ەلجان ەرالى