جەتى جاسار قىز الەمدەگى ەڭ جاس وپەرا ءانشىسى اتاندى

None
None
نۇر- سۇلتان. قازاقپارات – ا ق ش- تىڭ جەتى جاسار تۇرعىنى ۆيكتوريا برينكەر الەمدەگى ەڭ جاس وپەرا ءانشىسى اتاندى، - دەپ حابارلايدى قازاقپارات UPI اگەنتتىگىنە سىلتەمە جاساپ.

اگەنتتىكتىڭ مالىمەتىنشە، برينكەر 2019 -جىلى پيتتسبۋرگ قوعامدىق تەاترىنىڭ «جارىقتار مەن اڭىزدار» شوۋىندا سەگىز كاسىبي كورىنىسكە قاتىسقاننان كەيىن جەتى جاسىندا رەكورد ورناتقان.

«مەن ەرتە سويلەپ، ەكى جاسىمدا ءان ايتا باستادىم. ەكى- ءۇش جاسىمدا تۇتاس كومپاكت- ديسكىلەردىڭ ءسوزىن جاتتاپ الدىم. ۇنەمى ءان ايتاتىنمىن»، - دەيدى برينكەر.

ول وپەراعا 6 جاسقا تولار الدىندا، اناسى ونى ونەردىڭ وسى تۇرىمەن تانىستىرعان كەزدە قىزىققان. برينكەر گيننەستىڭ رەكوردتار كىتابى بويىنشا يتالياندىق تەلەشوۋ Lo Show Dei Record-قا شاقىرىلدى جانە شوۋ بارىسىندا وعان ونىڭ جەتىستىگىن راستايتىن سەرتيفيكات تابىس ەتىلدى. ۆيكتوريانىڭ دياپازونى قازىرگى ۋاقىتتا ءۇش وكتاۆا جانە ول جەتى تىلدە سەرەنادانى ورىنداي الادى.

سوڭعى جاڭالىقتار