ءوز ەلىمىزدە ءوز پوميدورىمىزدى وتكىزە المايمىز - فەرمەر مۇڭى

نۇر-سۇلتان. قازاقپارات - بۇعان الەمدىك نارىقتاعى جاعداي مەن ىشكى پروبلەمالار اسەر ەتكەن. ماسەلەن، ەلەكتر قۋاتى مەن تىڭايتقىش قىمبات، ال سۋبسيديا مولشەرى از.

سالدارىنان وڭىردەگى كوكونىس وندىرۋشىلەر وزبەكستان مەن تۇركىمەنستاننان كەلەتىن ارزان ونىمدەرگە باسەكەلەس بولا الماي وتىر. وسىدان تۋرا 1,5 اي بۇرىن سارىاعاشتىق ديقاندار جىلىجايدا پىسكەن قىزاناقتارىن وتكىزە الماي وتىرعاندارىن ايتىپ، دابىل قاققان بولاتىن.

ول كەزدە جەرگىلىكتى بازارلاردى تاشكەنت پەن تۇركىمەنستاننان كەلگەن ارزان ونىمدەر جاۋلانعان ەدى. ال وتاندىق ءونىم جىلىجايلاردا تاۋ بولىپ ءۇيلىپ جاتتى.

نۇعمان ابىلداشەۆ، ديقان:

- نەگىزگى سەبەبى تۇرىكمەنستاننىڭ پوميدورى وتە كوپ. ءبىز ءوزىمىزدىڭ ەلىمىزدە ءوز پوميدورىمىزدى ساتا المايمىز. وسىعان ۇكىمەت تاراپىنان بولا ما، اۋىل شارۋاشىلىعى مينيسترلىگى تاراپىنان بولا ما، جىلىجايلارعا كومەك كورسەتىلسە. 3 جىل بولدى وسى ماسەلەنى ءبىز قايتا- قايتا قوزعاپ ءجۇرمىز. ءبىراق شەشىمىن ءالى تاپپاي جاتىر.

نۇربەرگەن قويلىبايەۆ، جىلىجاي يەسى:

- قيار ءوز- ءوزىن اقتاۋ ماسەلەسى وتە قيىن بولىپ جاتىر. ويتكەنى شەتتەن كەلەتىن تۇرىكمەنستان، وزبەكستان، تاجىكستان بولسىن ەلدەردەن كەلەتىن جەمىس- جيدەك وتە ارزان، ەكى ەسە ارزان بولىپ كەلىپ جاتىر. بىزدەگى باعامەن كونكۋرەنت بولۋ قيىن.

ءتىپتى ەندى وڭىردەگى جىلىجايلار جابىلىپ قالۋى مۇمكىن. سەبەبى جىلىجايعا كەتەتىن شىعىن كوپ. تابىس از.

«وتاندىق ءونىمدى وندىرگەننەن شەتتەن كەلەتىن دايىن كوكونىستى ساتىپ العان ءتيىمدى»، - دەيدى شارۋالار. ويتكەنى بىزدەگى قاتتى وتىن مەن ەلەكتر ەنەرگياسىنىڭ قۇنى تىم قىمبات. بىزدەگى تاريف قۇنىمەن كورشى ەلدەردەن كەلەتىن تاۋارلارعا باسەكەلەس بولۋى قيىن.

«تىڭايتقىشتى ساتىپ الۋ مۇمكىن ەمەس. ال سۋبسيديا ماردىمسىز، وندا دا قولى جەتكەندەر الادى»، - دەيدى ديقاندار. سول ءۇشىن مەملەكەتتەن قولداۋ كۇتەدى.

مىرزاحمەت سىنابايەۆ، تۇركىستان جىلىجاي قاۋىمداستىعىنىڭ ءتوراعاسى:

- شارۋالاردىڭ دا جاڭاعى ارىز- تالابى ورىندى. ويتكەنى وسى ءوندىرىپ جاتقان ءونىمنىڭ ءوزى 120-130 ميلليارد تەڭگەنىڭ اينالاسىندا. سونىڭ %10 سۋبسيديالاپ بەرسە جەتەدى. كوگىلدىر وتىنىمىز بىزدە 1 كۋب/م 37 مىڭ تەڭگە. ال تۇرىكمەنستاندا ول 45 تەڭگە بولادى ءجاي اشەيىن. سونىمەن بۇل باسەكەلەستىككە تۇرا الماي جاتىر.

وڭىرگە ارنايى جۇمىس ساپارىمەن كەلگەن اۋىل شارۋاشىلعى ءمينيسترى قاراشوكەيەۆ جىلىجاي يەلەرىنىڭ جىلارمان كۇيىمەن تانىستى. شىعىنعا شاش-ەتەكتەن باتقان شارۋالاردىڭ جانايقايىنان كەيىن ارنايى جۇمىس توبى قۇرىلاتىنىن جەتكىزدى. وعان شارۋالاردى دا قوساتىنىن ايتتى.

ەربول قاراشوكەيەۆ، ق ر اۋىل شارۋاشىلىعى ءمينيسترى:

- اۋىل شارۋاشىلىعى مينيسترلىگىنىڭ دەڭگەيىندە قۇرىپ جاتىرمىز. سول جۇمىسشى توپقا جەرگىلىكتى اكىمشىلىكتىڭ وكىلدەرى سوسىن جىلىجايلاردىڭ ىشىنەن ورتانشاسى بار ءىرى جىلىجايلار بار، كىشكەنە جىلىجايلار بار سولاردىڭ وكىلدەرى كىرىپ وسى جۇمىسشى توپتىڭ جۇمىسىن ەندىگى اپتادان باستاپ كەتەمىز.

جۇمىس توبىنىڭ قۇرامىنا وزگەدە مينيسترلىك وكىلدەرى دە ەنبەك. ناتيجەسىندە جىلىجايلارداعى جۇرتتىڭ جانايقايى جان- جاقتى زەرتتەلىپ، ۇكىمەتكە ارنايى ۇسىنىس ازىرلەنبەك. ال ديقاندار جاڭا قازاقستاننىڭ «ەستيتىن ۇكىمەتىنەن» ءۇمىت كۇتەدى.

24.kz