شىمكەنت پوليتسياسى جەلىدە تاراعان شۋلى اۋديو جازباعا قاتىستى قىزمەتتىك تەكسەرۋ جۇرگىزەدى - ۆيدەو
شىمكەنت قالاسى پوليتسيا دەپارتامەنتى باسپا ءسوز قىزمەتىنىڭ جەتەكشىسى ءمولدىر بەكەيەۆا دەپ كورسەتىلگەن اۋديو جازبا الەۋمەتتىك جەلىدە ۇلكەن تالقىلاۋعا ءتۇسىپ جاتىر.
وندا ايەل ادامنىڭ قىزمەتكەرىنە جەكىپ سويلەپ، بىلاپىت سوزدەر ايتقانىن ەستۋگە بولادى. ءتىپتى جۇمىستان بوساتۋ جونىندە ماسەلە قارايتىندىعىن جەتكىزگەن داۋىس يەسى، ادەپ نورمالارىن ساقتاماي، اۋزىنا كەلگەن اعات سوزدەردى قارشا بوراتقان. بۇگىن شىمكەنت قالاسى پوليتسيا دەپارتامەنتىنىڭ باستىعى، پوليتسيا گەنەرال مايورى قايرات دالبەكوۆ بۇل جاعداي بويىنشا قىزمەتتىك تەكسەرۋ جۇرگىزىلەتىندىگىن ايتتى.
«شىمكەنت قالاسى پوليتسيا دەپارتامەنتىنىڭ وزىندىك قاۋىپسىزدىك باسقارماسىنا بەينەجازباعا قاتىستى قىزمەتتىك تەكسەرۋ جۇرگىزۋدى تاپسىردىم. قورىتىندىسى بويىنشا ناقتى شەشىم قابىلداناتىن بولادى» - دەلىنگەن قايرات دالبەكوۆتىڭ جازباسىندا.
اۆتور: قايرات زاينيشەۆ
