ءۇرجار اۋدانى جاڭادان قۇرىلاتىن اباي وبلىسىنىڭ قۇرامىنا كىرەدى - ءماسليحات

ءۇرجار. قازاقپارات - ءۇرجار اۋدانىنىڭ جاڭادان قۇرىلاتىن اباي وبلىسى قۇرامىنا كىرۋىن جەرگىلىكتى ءماسليحات دەپاۋتاتتارى قولدادى، دەپ حابارلايدى قازاقپارات ءتىلشىسى.

شىعىس قازاقستان وبلىسى ءۇرجار اۋداندىق ءماسليحات دەپۋتاتى زۋحرا تۇراپوۆانىڭ ايتۋىنشا، بۇگىن ءماسليحاتتىڭ كەزەكتەن تىس 14- سەسسياسى ءوتتى.

«سەسسيادا 2021-2024-جىلدارعا ارنالعان اۋدان بيۋجەتىنە وزگەرىستەر ەنگىزىلدى. سونداي-اق قابانباي مەن باقتى اۋىلدارىنىڭ باس جوسپارلارى بەكىتىلدى. قارالعان ەڭ نەگىزگى ماسەلە - ءۇرجار اۋدانى اكىمشىلىك-اۋماقتىق قۇرىلىسىن جاڭادان قۇرىلاتىن اباي وبلىسىنا بەرۋ تۋرالى ۇسىنىس. ءماسليحات دەپۋتاتتارى بۇل ۇسىنىستى ءبىراۋىزدان قولدادىق»، - دەيدى زۋحرا تۇراپوۆا.

ەستەرىڭىزگە سالا كەتسەك، ق ر پرەزيدەنتى قاسىم-جومارت توقايەۆ جولداۋىندا سەمەي ايماعىندا اباي وبلىسىن قۇرۋدى ۇسىنعان بولاتىن.

جەرگىلىكتى جۇرت بۇل وزگەرىستى قولداعان ەدى.