ەلىمىزدەگى قانت زاۋىتتارى جاڭعىرتىلماق
مينيستر قازاقستاننىڭ وڭتۇستىك وڭىرلەرىنە (الماتى، تۇركىستان جانە قىزىلوردا وبلىستارى) جۇمىس ساپارى اياسىندا الماتى وبلىسىنىڭ قانت جانە قانت قىزىلشاسىن وندىرۋشىلەرمەن كەزدەستى. كەزدەسۋ كوكسۋ قانت زاۋىتى بازاسىندا ءوتتى، وندا مينيسترگە قايتا وڭدەۋ جەلىسى كورسەتىلىپ، جاڭعىرتۋ جۇمىستارى جانە ءوندىرىستى ۇلعايتۋ جوسپارلارى تۋرالى ايتىلدى.
قانت قىزىلشاسىن وندىرۋشىلەرمەن كەزدەسۋ كەزىندە ەربول قاراشوكەيەۆ قانت سالاسىن دامىتۋ ءۇشىن مينيسترلىك ەگىس القاپتارىن ۇلعايتۋدى ىنتالاندىراتىنىن، اۋىل شارۋاشىلىعى تاۋارىن وندىرۋشىلەرگە تۇقىم، تىڭايتقىشتار مەن گەربيتسيدتەر، تەحنيكا ساتىپ الۋعا جۇمسالعان شىعىنداردى وتەۋ كوزدەلگەنىن ايتتى. سونداي- اق، سالانى تەحنولوگيالىق قايتا جاراقتاندىرۋ ءۇشىن ينۆەستيتسيالىق سۋبسيديالار مەن اينالىم قاراجاتىن تولىقتىرۋعا جەڭىلدىكتى كرەديت بەرىلەتىنىن اتاپ ءوتتى.
ا ءو ك دامىتۋ جونىندەگى ۇلتتىق جوباعا سايكەس، قولدا بار قانت زاۋىتتارىن جاڭعىرتۋ جانە وتاندىق قانتپەن قامتاماسىز ەتىلۋ دەڭگەيىن % 80 دەيىن ارتتىرۋ جوسپارلانىپ وتىر. اتالعان ماسەلەنى جان- جاقتى شەشۋ ءۇشىن مينيسترلىك پرەمەر- ءمينيستردىڭ تاپسىرماسى بويىنشا قانت جانە قانت قىزىلشاسىن ءوندىرۋ تۇجىرىمداماسىن ازىرلەۋگە كىرىستى.
ءوز كەزەگىندە وندىرۋشىلەر تاۋارلىق- ماتەريالدىق قۇندىلىقتار باعاسىنىڭ وسۋىنە، وتاندىق شيكىزات ءوندىرىسىنىڭ كولەمىن ۇلعايتۋعا، سۋ ۇنەمدەۋ تەحنولوگيالارىن ەنگىزۋگە قاتىستى سۇراق قويدى. كەزدەسۋ قورىتىندىسى بويىنشا قانت جانە قانت قىزىلشاسىن وندىرۋشىلەر وزدەرىنىڭ ناقتى ۇسىنىستارىن دايىنداۋعا كەلىستى. مينيسترلىك ونى مۇقيات قاراپ، قاجەت بولعان جاعدايدا قانت جانە قانت قىزىلشاسىن ءوندىرۋ تۇجىرىمداماسىنىڭ جوباسىنا ەنگىزەتىن بولادى.
ۆەدومستۆو باسشىسى «حيلنيچەنكو جانە ك» كومانديتتىك سەرىكتەستىگىندە بولىپ، ديىرمەندى، ءسۇت- تاۋار فەرماسىن جانە قايتا وڭدەۋ تسەحتارىن ارالاپ كوردى. سونىمەن بىرگە فەرمەرلەرمەن كوكتەمگى ەگىس جۇمىستارىنا دايىندىق ماسەلەلەرىن، سالانى دامىتۋدى، مينيسترلىكتىڭ ارالاسۋىن تالاپ ەتەتىن اعىمداعى جۇيەلى پروبلەمالاردى تالقىلادى.
ءمينيستردىڭ وڭتۇستىك وڭىرلەرگە جاسالعان ءۇش كۇندىك جۇمىس ساپارىنىڭ قورىتىندىسى ۇكىمەتكە جەتكىزىلىپ، اگروونەركاسىپتىك كەشەندى ودان ءارى دامىتۋ بويىنشا ۇسىنىستار مۇقيات تالدانىپ، دايىندالاتىن بولادى.
