رەسەيگە سەنۋگە بولمايدى - زەلەنسكي

نۇر- سۇلتان. قازاقپارات - رەسەي اسكەرى كيەۆ پەن ونىڭ اينالاسىن ءالى اتقىلاپ جاتىر. سوندىقتان ولاردىڭ ىستامبۇلداعى كەلىسسوزدە «اتقىلاۋدى توقتاتامىز» دەپ بەرگەن ۋادەسىنە سەنۋگە بولمايدى.

ۋكراينا پرەزيدەنتى ۆلاديمير زەلەنسكي ءداستۇرلى تۇنگى جولداۋىندا وسىلاي دەپ مالىمدەدى.

ۆلاديمير زەلەنسكي، ۋكراينا پرەزيدەنتى:

- كەلىسسوزدەرگە قاتىستى جاعىمدى اڭگىمە ەستىلىپ جاتىر. ءبىراق رەسەي سنارياد اتقىلاۋىن قويار ەمەس. ۋكراينالىقتار اڭقاۋ حالىق ەمەس. باسقىنشىلىقتىڭ 34 كۇنىندە جانە دونباسستاعى سوڭعى 8 جىلداعى سوعىستا ناقتى ناتيجەگە عانا سەنۋگە بولاتىنىنا كوزىمىز ابدەن جەتكەن. سوندىقتان ءبىز قورعانىسىمىزدى الىسىرەتپەيمىز. ارينە، ۋكراينا كەلىسسوزدەردى جالعاستىرۋعا دايىن. رەسەي اسكەرى باسىپ العان ايماقتاردان كەتۋگە ءتيىس.

زەلەنسكي ەلدىڭ وڭتۇستىگىندەگى نيكولايەۆ قالاسىن رەسەي زىمىرانمەن اتقىلاپ، 8 ادام اجال قۇشقانىن جەتكىزدى. تاعى 30 تۇرعىن جاراقات العان. قالاداعى ايماقتىق اكىمشىلىك عيماراتى قيراعان. قازىر ىزدەۋ- قۇتقارۋ، تازالاۋ جۇمىستارى ءجۇرىپ جاتىر.

www.24.kz