ءبىلىم ءمينيسترى نازاربايەۆ ۋنيۆەرسيتەتىندەگى ارانداتۋشىلىق پلاكاتقا قاتىستى پىكىر ءبىلدىردى
«بارلىق ازامات زاڭ الدىندا تەڭ، زاڭناما تالاپتارى بارىنە بىردەي تارالادى. سوندىقتان ولار زاڭناماعا قايشى ۇستانىمىن بىلدىرسە، وندا جاۋاپكەرشىلىككە تارتىلادى. وسى جاعداي بويىنشا ازىرگە حابارسىزبىن. ەكىنشىدەن، نازاربايەۆ ۋنيۆەرسيتەتى اۆتونومدى مارتەبەگە يە، ءبىلىم جانە عىلىم مينيسترلىگىنە ەسەپ بەرمەيدى»، - ا. ايماعامبەتوۆ.
ءمينيستردىڭ پايىمىنشا، قانداي ماماندىق يەسى بولسا دا، وسىنداي زاڭعا قايشى ارەكەت جاساۋعا بولمايدى.
«ەگەر قانداي دا ءبىر قاداممەن زاڭنامانى بۇزسا، بارلىعى سەكىلدى جاۋاپكەرشىلىككە تارتىلادى. مۇعالىمدەرگە قاتىستى توقتالساق، بىزدە پەداگوگ ەتيكاسىنىڭ كودەكسى بار جانە وندا بارلىعى ناقتى جازىلعان. ولار وسى ەتيكالىق ۇستانىمدارعا، تالاپتارعا سايكەس بولۋى كەرەك. ونىڭ اياسىندا اتا- انالارمەن، بالالارمەن، وزدەرىنىڭ ارىپتەستەرىمەن قارىم- قاتىناستا اتالعان ۇستانىمداردى ەسكەرۋى كەرەك. ولارعا وزدەرىنىڭ پوزيتسياسىن، سونىڭ اراسىندا ساياسي ۇستانىمىن باسقاعا مىندەتتەۋگە جول بەرىلمەيدى»، - دەدى مينيستر.
«ولار ءبىلىم بەرەدى جانە ونى تەك وقىتۋ باعدارلاماسى اياسىندا جۇرگىزۋى كەرەك. ال زاڭناما تالاپتارىن بۇزاتىنداي ءوزىنىڭ ساياسي ۇستانىمىن نەمەسە ناسيحاتىن مىندەتتەۋگە رۇقسات ەتىلمەيدى»، - دەدى ا. ايماعامبەتوۆ.
اۆتور: رۋسلان عابباسوۆ
