دجو بايدەن جاڭا بيۋدجەتتىڭ جوسپارىن ۇسىندى

None
None
نۇر-سۇلتان.قازاقپارات - بۇگىن ا ق ش پرەزيدەنتى دجو بايدەن 5,8 تريلليون دوللاردى قۇرايتىن جاڭا بيۋدجەت جوسپارىن ۇسىنىپ، ەندى ونى كونگرەسس ماقۇلداۋى ءتيىس.

كەلەر جىلعا ارنالعان زاڭناماعا سايكەس ا ق ش- تىڭ ۇلتتىق دەفيتسيتى الداعى ون جىلدا 1 تريلليونعا دەيىن تومەندەيدى دەپ جوسپارلانعان. بۇل مەجەگە الىپ كوپاراتسيالار مەن بايلارعا سالىناتىن سالىقتى كوبەيتۋ ارقىلى جەتۋگە بولادى. ماسەلەن، بايدەننىڭ ۇسىنىسى بويىنشا تابىسى 100 ميلليون دوللاردان اساتىن وتباسىلار بۇل قارجىنىڭ 20 پروتسەنتىن ەل قازىناسىنا قۇيۋعا ءتيىس. سونىمەن قاتار جاڭا جوسپارعا سايكەس ەلدىڭ ۇلتتىق قاۋىپسىزدىگى مەن قورعانىسىنا قوسىمشا 32 ميلليارد دوللار قاراستىرىلعان. ونىڭ 7 ميللياردقا جۋىعى ەۋروپاداعى وداقتاستار مەن ۋكرايناعا جاردەم رەتىندە بولىنەدى.

ەسكە سالايىق، بايدەننىڭ جوباسىن ەندى كونگرەسس ماقۇلداۋى ءتيىس.

دجو بايدەن، ا ق ش پرەزيدەنتى:

- سوڭعى بىرنەشە جىل كوپتەگەن امەريكالىقتار قينالىپ كەلدى. ءبىراق ميلليونەرلەر مەن الىپ كورپاراتسيالار بۇرىن- سوڭدى بولماعان بايلىققا كەنەلدى. سەبەبى ترامپتىڭ سالىق ساياساتى بايلار مەن ۇلكەن كورپاراتسيالاردىڭ تابىسقا كەنەلۋىنە جاعداي جاسادى. ماسەلەن، قازىرگى كەزدە ءبىزدىڭ ەلدەگى ميللياردەرلەر ورتاشا ەسەپپەن تابىسىنىڭ 8 پروتسەنتتىن عانا سالىققا تولەيدى. ال ءورت ءسوندىرۋشى مەن ۇستازدار ودان ەكى ەسەگە دەيىن جوعارى سالىق تولەيدى. بۇل ادىلەتسىزدىك. مەن كاپيتاليستپىن، ءبىراق بايلارعا ايتارىم، اقشا تابادى ەكەنسىز جاقسى، ءبىراق ءتيىستى سالىقتى تولەۋىڭىز قاجەت.

www.24.kz

سوڭعى جاڭالىقتار