كورشىسىمەن تاتۋ ادام ۇزاق ءومىر سۇرەدى
زەرتتەۋ توبى COVID-19 پاندەمياسىنان شىققان 3 مىڭ ادامعا جالپى ۇلتتىق دەڭگەيدە ساۋالناما جۇرگىزگەن ەكەن. ساۋالناما 2020 -جىلى مامىر مەن قاراشا ايلارى اراسىندا وتكىزىلگەن.
«كورشىسىمەن، جالپى ءوزى تۇرىپ جاتقان اۋداننىڭ تۇرعىندارىمەن، كوشە بويى كورشىلەرىمەن تاتۋ بولعان، جاقسى قارىم- قاتىناس ورناتا العان جان دەپرەسسيا پەن كۇيزەلىسكە ۇشىرامايدى، جالعىزدىققا تاپ بولمايدى. جاقسى كورشى - جارىم ىرىس. كورشىڭىز جاقسى بولسا، دەنساۋلىعىڭىزعا دا جاقسى»، - دەيدى زەرتتەۋ توبىنىڭ جەتەكشى اۆتورى، دوكتور دجەيمس و'دوننەلل.
زەرتتەۋشىلەردىڭ ايتۋىنشا، مەلبۋرن قالاسىندا پاندەميالىق شەكتەۋ باسقا ەلدەرگە قاراعاندا ءبىراز قاتاڭداۋ بولعان. سودان بولسا كەرەك، قالا جۇرتى اراسىندا دەپرەسسياعا ۇشىراۋ كورسەتكىشى 22 پايىزعا وسكەن ەكەن. الايدا زەرتتەۋشىلەردىڭ بايقاعان ءبىر نارسەنى بار كورىنەدى. ياعني، تاتۋ- ءتاتتى، باۋىرمال تۇرعان اۋدانداردىڭ جۇرتى، كەرىسىنشە، دەپرەسسيادان ادا بولىپ شىققان.
«ءبىزدىڭ زەرتتەۋىمىز الەۋمەتتىك بايلانىسى جاقسى ادامنىڭ دەنساۋلىعى دا جاقسى بولاتىنىن كورسەتىپ بەردى»، - دەيدى دوكتور.
