ت ج د: ەلوردادا قاتتى بۇرقاسىنعا بايلانىستى جەتەل شتاب قۇرىلدى
نۇر- سۇلتان قالاسى ت ج د- دا جولداردا توتەنشە جاعدايلاردى جويۋ جونىندەگى جەدەل شتاب قۇرىلدى، جەدەل تەلەفون جەلىسى اشىلدى. بارلىق باعىتتار بويىنشا ازاماتتار مەن اۆتوكولىكتەردى ەۆاكۋاتسيالاۋدى جۇزەگە اسىراتىن جوعارى ءوتىمدى تەحنيكا (كۋنگ، ترەكول) شىقتى. جول پوليسياسىمەن بىرگە اۆتوكولىكتەردىڭ وتۋىنە جول بەرمەۋ ءۇشىن بەكەتتەر قويىلدى. قازىرگى ۋاقىتتا قالا بويىنشا ايالدامالاردا اۆتوبۋس كۇتىپ تۇرعان ازاماتتاردى جەتكىزۋ ءۇشىن 25 جەرگىلىكتى ۆاحتا جۇمىس ىستەيدى. بلوك- بەكەتتەردە حالىقتىڭ قاۋىپسىزدىگىن قامتاماسىز ەتۋ ماقساتىندا ت ج د قىزمەتكەرلەرى پ د جانە جول يەلەرىمەن بىرلەسىپ ءتيىستى ءتۇسىندىرۋ جۇمىستارىن جۇرگىزۋدە.
اۆاريالىق- قۇتقارۋ جۇمىستارىنا بارلىعى جەكە قۇرامنان 26 ادام جانە 8 بىرلىك تەحنيكا جۇمىلدىرىلدى. ت ج د ەلوردا تۇرعىندارى مەن قوناقتارىنا قالا سىرتىنا شىقپاۋعا، ساق بولۋعا، اۋا رايىنىڭ وزگەرۋى مەن ەنگىزىلگەن شەكتەۋلەر تۋرالى اقپاراتتى قاداعالاۋعا كەڭەس بەرەدى.
«جەل كۇشەيگەن كەزدە عيماراتتاردان شىعۋعا شەكتەۋگە كەڭەس بەرەمىز. بالالاردى ەرەكشە باقىلاۋعا الۋ جانە ولاردى قاراۋسىز قالدىرماۋ ماڭىزدى. ەگەر ءسىزدى كوشەدە قاتتى جەل سوعىپ قالسا، جەراستى وتكەلدەرىنە نەمەسە عيماراتتاردىڭ كىرەبەرىستەرىنە تىعىلۋعا كەڭەس بەرەمىز. ۇيلەردىڭ قابىرعالارىنا قاتتى جەلدەن جاسىرىنباڭىز، ويتكەنى شاتىرلاردان شيفەر مەن باسقا شاتىر ماتەريالدارى قۇلاۋى مۇمكىن. توتەنشە جاعداي تۋىنداعان جاعدايدا «112» تەلەفونىنا قوڭىراۋ شالىڭىز!» دەلىنگەن ەسكەرتۋ حابارلاماسىندا.
