22:46, 29 - ناۋرىز 2022 | GMT +5
اۋا رايى: قازاقستاننىڭ بەس وبلىسىندا جول جابىلدى
نۇر- سۇلتان. قازاقپارات - كۇن رايىنىڭ قولايسىزدىعىنا بايلانىستى اقمولا، اقتوبە، قوستاناي، قاراعاندى جانە باتىس قازاقستان وبلىستارىندا رەسپۋبليكالىق ماڭىزى بار جولدار جابىلدى.
بارلىعى 13 جول جابىلدى، دەپ حابارلايدى قازاقپارات. «قازاۆتوجول» ۇ ك» ا ق باسپا ءسوز قىزمەتى كۇن رايىنىڭ جاقسارۋىن كۇتىپ، الىس جولعا شىقپاۋ كەرەكتىگىن اتاپ ءوتتى. قازاقستاندىقتاردى كۇن رايىنىڭ قولايسىزدىعى تۋرالى حابارلامالاردى نازاردان تىس قالدىرماۋعا شاقىرادى. جۇمىس كۇشەيتىلگەن رەجيمگە اۋىستىرىلدى. توتەنشە جاعدايلار تۋىنداعان جاعدايدا 1403 قىسقا نومىرىنە قوڭىراۋ شالۋ قاجەت.
