رەسەي ۋكراينا كەلىسسوزدەرى كونسترۋكتيۆتى ءوتتى - ۆلاديمير مەدينسكي

None
None
ىستانبۇل. تاسس- قازاقپارات - ىستانبۇلدا رەسەي مەن ۋكراينا اراسىنداعى بەتپە- بەت كەلىسسوزدەر راۋندى اياقتالدى.

بۇل تۋرالى تىلشىلەرگە سەيسەنبى كۇنى ماسكەۋ مەن كيەۆ دەلەگاتسيالارىنىڭ كەزدەسۋىنىڭ قورىتىندىسى بويىنشا رەسەي دەلەگاتسياسىنىڭ باسشىسى، پرەزيدەنت كومەكشىسى ۆلاديمير مەدينسكي مالىمدەدى، دەپ حابارلايدى قازاقپارات تاسس اقپارات اگەنتتىگىنە سىلتەمە جاساپ.

«ۋكراين تاراپىمەن كەلىسسوزدەر اياقتالدى. كەلىسسوزدەر كونسترۋكتيۆتى ءوتتى»، - دەدى ول. مەدينسكيدىڭ ايتۋىنشا، رەسەي دەەسكالاتسيا ءۇشىن ۋكرايناعا ەكى قادام جاساپ تۇر. رەسەي دەلەگاتسياسى ىستانبۇلدا ۋكراين تاراپىنان ناقتى تۇجىرىمدالعان ۇستانىم مەن ۇسىنىستار قابىلدادى. ولار زەرتتەلىپ، ەل باسشىلىعىنا جەتكىزىلەدى، دەدى مەدينسكيي.

«ءبىز ۋكراينادان قاراستىرۋ ءۇشىن ۇسىنىستارىن، ونىڭ كەلىسىمگە قوسۋ تۋرالى ناقتى تۇجىرىمدالعان ۇستانىمىن الدىق. بۇل ۇسىنىستار الداعى ۋاقىتتا قارالىپ، پرەزيدەنتكە ۇسىنىلاتىن بولادى جانە ءتيىستى جاۋابىمىز بەرىلەدى»، - دەدى ول.

كەلىسىم بويىنشا جۇمىس تەز اتقارىلىپ، ىمىراعا كەلەتىن بولساق، بىتىمگە كەلۋ مۇمكىندىگى جاقىنداي تۇسەدى، دەدى مەدينسكي. سونداي- اق، رەسەي قورعانىس مينيسترلىگى كيەۆ جانە چەرنيگوۆ باعىتتارىندا اسكەري بەلسەندىلىكتى كۇرت تومەندەتۋ شەشىمىن قابىلدادى، دەپ جازادى تاسس ۆەدومستۆو باسشىسىنىڭ ورىنباسارىنا سىلتەمە جاساپ.

اۆتور: زارينا تۋعانبايەۆا


سوڭعى جاڭالىقتار