ءبىلىم مينيسترلىگى مۇعالىمدەردىڭ بىلىكتىلىگىن ارتتىرۋ تالابىنا تۇسىنىك بەردى

None
نۇر- سۇلتان. قازاقپارات - ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتى ءتوراعاسى گۇلميرا كارىموۆا پەداگوگتەردىڭ بىلىكتىلىگىن 3 جىلدا ءبىر رەت ارتتىرۋعا قاتىستى تۇسىنىك بەردى، دەپ حابارلايدى قازاقپارات ءتىلشىسى.

ونىڭ ايتۋىنشا، مۇعالىمدەردىڭ بىلىكتىلىگىن ارتتىرۋدىڭ 3 جىلدىق مودەلىن ەنگىزۋ حالىقارالىق تاجىريبەگە نەگىزدەلگەن.

«دامىعان ەلدەردىڭ حالىقارالىق تاجىريبەسىن قاراستىرساق، سينگاپۋر، فينليانديا سياقتى ەلدەردە بىلىكتىلىكتى ارتتىرۋ جىلىنا كەمىندە ءبىر رەت، ال رەسەي فەدەراتسياسىندا كەمىندە ءۇش جىلدا ءبىر رەت جۇزەگە اسىرىلادى. كۋرستاردى وقىتۋدان باسقا، بۇل ەلدەردە پەداگوگتەردىڭ بىلىكتىلىگىن ارتتىرۋ ءۇشىن كاسىبي قوعامداستىقتارداعى جۇمىس جۇيەسى، كونفەرەنسيالارعا قاتىسۋ، ۇزدىك پەداگوگتەردىڭ ساباقتارىنا قاتىسۋ جانە كاسىبي دامۋدىڭ باسقا دا نىساندارى پايدالانىلادى»، - دەدى ن. كارىموۆا ورتالىق كوممۋنيكاتسيالار قىزمەتىندە.

حالىقارالىق زەرتتەۋلەردەگى كۋرستىق دايارلىقتىڭ تيىمدىلىگىن باقىلاۋ بويىنشا كۋرستاردا جاڭا پەداگوگيكالىق تەحنولوگيالاردى جاقسى مەڭگەرگەن پەداگوگتەردىڭ % 5 - ى كۋرستىق وقىتۋدان كەيىن 1 جىل وتكەن سوڭ ءوز پراكتيكاسىندا كۋرستا وقىپ، ۇيرەنگەن كونتەنتتى بەلسەندى پايدالانۋدى توقتاتۋ فاكتىلەرى بايقالادى. بۇل فاكت رەپرودۋكتيۆتى داعدىلاردى قالىپتاستىرۋدان ىزدەۋ داعدىلارىنا اۋىسۋدىڭ كۇردەلىلىگىن كورسەتەدى.

ونىڭ سوزىنە قاراعاندا، قازاقستان الەمنىڭ 48 ەلىمەن قاتار TALIS حالىقارالىق زەرتتەۋ ناتيجەلەرى بويىنشا قازاقستاندىق پەداگوگتەردىڭ %86- ى كاسىبي دامۋ بويىنشا ءىس- شارالارعا قاتىسۋدىڭ پەداگوگيكالىق پراكتيكاعا وڭ اسەرىن تيگىزەتىنىن اتاپ ءوتتى. پەداگوگيكالىق قىزمەتتى جاڭادان باستاعان مۇعالىمدەردىڭ شامامەن % 70- ى كاسىبي دەڭگەيىنىڭ جەتكىلىكسىزدىگىنە، مەكتەپ ورتاسىنا بەيىمدەلۋگە بايلانىستى قيىندىقتارعا تاپ بولادى. وسىعان بايلانىستى، جاس پەداگوگتەر كەم دەگەندە ءۇش جىلدا ءبىر رەت بىلىكتىلىگىن ارتتىرۋدى قاجەت ەتەدى.

بۇگىنگى تاڭدا حالىقارالىق تاجىريبەدە «بىلىكتىلىكتى ارتتىرۋ» تۇجىرىمداماسى پەداگوگتەردىڭ ۇزدىكسىز كاسىبي دامۋ تۇجىرىمداماسىنا اۋىستىرىلدى. بىلىكتىلىكتى ارتتىرۋ جۇيەسى ۋاقىت تالاپتارىنا سايكەس كەلۋى كەرەك بولعاندىقتان، ول ۇزدىكسىز سيپاتتا بولۋى كەرەك. وسىعان وراي، بىلىكتىلىكتى ارتتىرۋ كۋرستارىنان ءوتۋ جيىلىگىن كەمىندە ءۇش جىلدا ءبىر رەت ارتتىرۋ قاجەتتىلىگى، ەڭ الدىمەن، پەداگوگتەردى ۇزدىكسىز دامىتۋ تۇجىرىمداماسىنىڭ پرينتسيپتەرىنە، جەتەكشى ءبىلىم بەرۋ ەلدەرىنىڭ سەنىمدى ناتيجەلەرىنە، پەداگوگيكا سالاسىنداعى عىلىمي تەوريالارعا، حالىقارالىق مونيتورينگتىك زەرتتەۋلەرگە نەگىزدەلگەن.

اۆتور: رۋسلان عابباسوۆ

سوڭعى جاڭالىقتار