جاپونيا رەسەيگە ليۋكس كولىكتەردى ەكسپورتتاۋعا تىيىم سالدى

None
None
وكيو. كيودو- قازاقپارات - جاپونيا ەكونوميكالىق سانكتسيالار اياسىندا رەسەيگە ليۋكس اۆتوكولىكتەر مەن باسقا دا تاۋارلاردى ەكسپورتتاۋعا تىيىم سالدى، دەپ حابارلايدى قازاقپارات Kyodonews اگەنتتىگىنە سىلتەمە جاساپ.

اگەنتتىكتىڭ حابارلاۋىنشا، مينيسترلەر كابينەتى 5-ساۋىردەن باستاپ ەمبارگو (شەتەلگە تاۋار جىبەرۋگە تىيىم سالۋ) ەنگىزۋ تۋرالى قاۋلىنى قايتا قاراعان. قاۋلىعا زەرگەرلىك بۇيىمدار مەن ونەر تۋىندىلارى دا قوسىلدى. جاپونيانىڭ ەكونوميكا، ساۋدا جانە ونەركاسىپ ءمينيسترى كويچي حاگيۋدانىڭ سوزىنە قاراعاندا، بۇل قادام رەسەي پرەزيدەنتى ۆلاديمير پۋتينگە قولداۋ كورسەتىپ وتىرعان وليگارحتارعا قىسىمدى كۇشەيتۋ ماقساتىندا جاسالىپ وتىر. ا ق ش پەن ەۋروپالىق وداققا مۇشە ەلدەر دە وسىنداي شەشىم قابىلداعان بولاتىن.

«ءبىز حالىقارالىق قاۋىمداستىقپەن، اتاپ ايتقاندا، «ۇلكەن جەتىلىكپەن» قاتاڭ سانكتسيالار ەنگىزۋ جولىندا بىرىگىپ جۇمىس ىستەيمىز»، - دەپ مالىمدەدى باسپا ءسوز ءماسليحاتىندا كويچي حاگيۋدا.

جاپونيا ۇكىمەتىنىڭ دەرەكتەرىنە ساي، رەسەيگە جىبەرىلەتىن تاۋارلاردىڭ باسىم بولىگى - اۆتوكولىكتەر. 2020 -جىلى رەسەيگە 627,8 ميلليارد يەن سوماعا (5 ميلليارد دوللار) كولىك جونەلتىلگەن.

سوڭعى جاڭالىقتار