قازاقستاننىڭ ەكى وڭىرىندە ارنايى وپەراتسيا ءوتىپ، ۇيىمداسقان قىلمىستىق توپ مۇشەلەرى ۇستالدى - ۆيدەو
26-ناۋرىزدا ق ر ىشكى ىستەر مينيسترلىگى ق ر ۇلتتىق قاۋىپسىزدىك كوميتەتى جانە قر باس پروكۋراتۋراسىمەن بىرلەسىپ، سونداي-اق ارنايى جاساق بولىمشەسىنىڭ قاتىسۋىمەن الماتى قالاسىندا جانە الماتى وبلىسىندا ارنايى وپەراتسيا وتكىزدى.
ونىڭ بارىسىندا «ايشۋاق- جانتۇگەل» ۇيىمداسقان قىلمىستىق توبىنىڭ مۇشەلەرىن ۇستادى. توپ مۇشەلەرى بۇعان دەيىن بىرنەشە رەت قىلمىستىق جاۋاپكەرشىلىككە تارتىلعان.
«جۇرگىزىلگەن ارنايى وپەراتسيانىڭ ناتيجەلەرى بويىنشا ۇستالعانداردان ەكى «كالاشنيكوۆ» اۆتوماتى، اڭشىلىققا ارنالعان 5 شولاق مىلتىق، ەكى جاۋىنگەرلىك تاپانشا، «كالاشنيكوۆ» پنەۆماتيكالىق اۆتوماتى، «ف-1» قورعانىس قول گراناتاسى، وق وتپەيتىن ەكى كەۋدەشە، اڭشىلىق پىشاق، ءتۇرلى كاليبرلى 350-دەن استام وق-ءدارى، سونداي- اق 5700 ا ق ش دوللارى جانە 107 مىڭ تەڭگە سوماسىنداعى اقشالاي قاراجات تاركىلەندى.
قازىرگى ۋاقىتتا ۇستالعان ادامداردىڭ وزگە دە اۋىر جانە اسا اۋىر قىلمىستارعا، ونىڭ ىشىندە قاڭتار ايىنىڭ باسىندا ورىن العان جاپپاي تارتىپسىزدىك كەزىندە جاسالعان قىلمىستارعا قاتىستىلىعى تەكسەرىلۋدە.
ۇيىمداسقان قىلمىستىق توپتىڭ باسقا دا قاتىسۋشىلارىن انىقتاۋ جانە ۇستاۋ بويىنشا جۇمىس جالعاسۋدا. ۇستالعان ادامدارعا قاتىستى «قاماۋدا ۇستاۋ» تۇرىندەگى بۇلتارتپاۋ شاراسى تاڭدالدى. سوتقا دەيىنگى تەرگەۋ امالدارى جۇرگىزىلۋدە»، - دەدى پوليتسيادان
