الماتىلىقتار «كەڭساي» زيراتىن كەڭەيتۋگە قارسى شىقتى - ۆيدەو

None
None
الماتى. قازاقپارات - الماتىلىقتار قالانىڭ اسەم جەرلەرىنە زيرات سالىنۋىنا نارازىلىعىن ءبىلدىردى، دەپ حابارلايدى قازاقپارات ءتىلشىسى.

جەلىگە ۆيدەو جۇكتەگەن قالا تۇرعىنى «كەڭساي» زيراتىنىڭ اۋماعى كەڭەيتىلىپ جاتقانىن جانە اۋماقتىڭ ءبىر بولىگى قورشاۋمەن قورشالعانىن ايتتى. ول سونداي-اق زيرات سالىناتىن توبەلەردە قىزىل كىتاپتاعى وسىمدىكتەر وسەتىنىن اتاپ ءوتتى.

ءمان-جايدى انىقتاۋ ءۇشىن قازاقپارات ءتىلشىسى الماتى قالاسى اكىمدىگىنە رەسمي ساۋال جولداعان ەدى.

اكىمدىكتىڭ بەرگەن جاۋابىنا سايكەس، الماتى قالاسى اكىمىنىڭ 2014 -جىلعى 15-قازانداعى №4/805-4519 قاۋلىسىنا سايكەس، «دۋمان» ىقشام اۋدانىنىڭ وڭتۇستىگى، «كەڭساي» زيراتىنىڭ شىعىسى مەكەنجايىندا ارالاس ۇلگىدەگى زيراتتى ۇيىمداستىرۋ ءۇشىن اۋدانى 92,08 گەكتار ۋچاسكە بولىنگەن. بۇگىنگى تاڭدا زيرات ينفراقۇرىلىمىنىڭ قۇرىلىسى تولىق اياقتالدى (كىرەبەرىس جولدار، اكىمشىلىك عيمارات، قورشاۋ)، قۇرىلىس جۇمىستارى 2018 -جىلى جۇرگىزىلگەن.

«جوباعا سايكەس، ۋچاسكەنىڭ جالپى اۋماعىنان 28-32 گەكتار مارقۇمداردى جەرلەۋگە ارنالعان، ال قالعان 60 گا جاسىل جەلەكتەرگە ارنالعان زيراتتىڭ سانيتارلىق ايماعى بولىپ تابىلادى»، - دەلىنەدى اكىمدىكتىڭ بەرگەن جاۋابىندا.

سوڭعى جاڭالىقتار