الماتىدا توپىراق كوشكىنى ءجۇرىپ، ەتنوكافە زاقىمدالدى

الماتى. قازاقپارات - الماتى قالاسى مەدەۋ اۋدانىندا توپىراق كوشكىنى ءجۇردى، دەپ حابارلايدى قازاقپارات ءتىلشىسى.

28 - ناۋرىز كۇنى تۇسكى ساعات 15:00 شاماسىندا الماتى قالالىق توتەنشە جاعدايلار دەپارتامەنتىنە مەدەۋ اۋدانى، «كوكتوبە» ىقشاماۋدانىندا ورنالاسقان «جايلاۋ» ەتنو- كافەسىنىڭ اۋماعىنا 450-500 تەكشە مەتر توپىراق سىرعىماسىنىڭ تۇسكەنى تۋرالى اقپارات ءتۇستى.

«توپىراق ماسساسى كىشى الماتى وزەنىنە ءتۇسىپ، وزەن ارناسىن بوگەپ تاستادى. جاۋىن-شاشىن سالدارىنان توپىراق ىلعالدانىپ كەتكەن. ابىروي بولعاندا قازا بولعاندار مەن زارداپ شەككەندەر جوق. قازىرگى ۋاقىتتا بالشىق ماسساسىن تازالاۋ جۇمىستارىن «انا جەر قۇرىلىس» ج ش س (30 ادام، 3 بىرلىك تەحنيكا) جۇرگىزۋدە. وقيعا ورنىنا مەدەۋ اۋدانى ت ج باسقارماسىنىڭ، «قازسەلدەن قورعاۋ» م م باستىعى باردى»، - دەپ حابارلادى دەپارتامەنتتەن.

«قازسەلدەن قورعاۋ» م م مالىمەتىنە سايكەس، جاۋىن-شاشىننىڭ كوپ تۇسۋىنە بايلانىستى تاۋ بوكتەرىندە قار كوشكىنى قاۋىپى ساقتالادى.