قازاقستاننان ۋكرايناعا گۋمانيتارلىق كومەكتىڭ جاڭا پارتياسى جىبەرىلدى

جالپى سالماعى 17,5 توننا بولاتىن جۇك توسەك- ورىن جانە تاماق سياقتى قاجەتتى زاتتاردى قامتيدى. بۇعان دەيىن قازاقستان جالپى سالماعى 28,2 توننا بولاتىن 17 ءتۇرلى ءدارى- دارمەك - انتيبيوتيكتەر، قابىنۋعا قارسى، جوتەلگە قارسى جانە انتيگيپەرتەنزيۆتى پرەپاراتتار تۇرىندە گۋمانيتارلىق كومەك جىبەرگەن بولاتىن.

كورسەتىلگەن كومەك ۋكراينا تاراپىنىڭ ءوتىنىشى نەگىزىندە مەملەكەت باسشىسىنىڭ بۇعان دەيىن بەرگەن تاپسىرماسىنا سايكەس جۇزەگە اسىرىلدى. قايتار جولدا جۇكتى جەتكىزگەن «بۇركىت» مەملەكەتتىك اۋەكومپانياسىنىڭ ي ل-76 ۇشاعى قازاقستاندىق ديپلوماتتاردىڭ كومەگىمەن ۋكراينادان پولشاعا كەلگەن ونداعان ق ر ازاماتتارى مەن ولاردىڭ وتباسى مۇشەلەرىن الىپ كەلەدى دەپ جوسپارلانۋدا.