ەرمۇحامەت ەرتىسبايەۆ ق ح پ ءتوراعاسى لاۋازىمىنا سايلاندى

None
None
نۇر- سۇلتان. قازاقپارات - قازاقستان حالىق پارتياسىنىڭ XIX كەزەكتەن تىس سەزى بارىسىندا پارتيانىڭ ساياسي باسشىلىعىن قايتا سايلاۋ ماسەلەسى قارالدى. ۇيىمنىڭ ءتوراعاسى لاۋازىمىنا ەرمۇحامەت ەرتىسبايەۆ سايلاندى، دەپ حابارلايدى قازاقپارات ءتىلشىسى.

پارتيانىڭ پارلامەنتتىك فراكسياسىنىڭ بۇرىنعى باسشىسى ءارى پارتيا جەتەكشىسى ءماجىلىس دەپۋتاتى ايقىن قوڭىروۆ ءتوراعانىڭ ءبىرىنشى ورىنباسارى بولىپ بەكىتىلدى. سەزدە قازىرگى كەزەڭدەگى قازاقستان حالىق پارتياسىنىڭ جاڭا ماقساتتارى مەن مىندەتتەرى دە تالقىلاندى. حالىقشىلدار اتقارىلىپ جاتقان جۇمىستارى تۋرالى بايانداپ، مۇگەدەكتەر قۇقىقتارىن قورعاۋ جونىندەگى جوبالىق كەڭسەنىڭ قۇرىلۋى مەن ەلىمىزدىڭ كاسىپوداقتارىمەن ەڭبەك قۇقىقتارىن قورعاۋ باعىتىنداعى ىنتىماقتاستىق تۋرالى اڭگىمەلەدى.

ايقىن قوڭىروۆ ءوز سوزىندە ەلىمىزدىڭ كۇردەلى وتپەلى كەزەڭدى باستان وتكەرىپ جاتقانىن اتاپ ءوتتى. مەملەكەت باسشىسى قاسىم- جومارت توقايەۆتىڭ رەفورمالارى قوعامدى دەموكراتيالاندىرۋعا جانە بيلىك تارماقتارىنىڭ تەڭگەرىمىنە الىپ كەلەتىن جەتكىزدى. بۇل پروتسەستە ساياسي پارتيالار ماڭىزدى ءرول اتقارۋى ءتيىس.

«ءبىزدىڭ پارتيامىزدىڭ ءادىل دەموكراتيالىق مەملەكەت تۋرالى يدەياسى جان- جاقتى دامۋدى تالاپ ەتەدى. پارتيانىڭ ترانسفورماتسياسى بۇدان بىلاي دا جالعاسا بەرەدى جانە بۇل پروتسەسس ۇزدىكسىز بولۋى كەرەك. ءبىزدىڭ الدىمىزدا پارتيالىق قۇرىلىمداردا، مەملەكەتتىك قىزمەتتە، وكىلدى ورگانداردا، ازاماتتىق سەكتوردا جۇمىس تاجىريبەسى بار جاڭا كادرلارمەن پارتيالىق باسشىلىقتى ەسەلەپ كۇشەيتۋ ماسەلەسى تۇر»، - دەدى ا. قوڭىروۆ سەزد بارىسىندا ق ح پ ءتوراعاسى قىزمەتىنە ە. ەرتىسبايەۆتىڭ كانديداتۋراسى ۇسىنىلدى.

«ول بەلسەندى پارتيا كوشباسشىسى بولا الادى، ىسىنە مىعىم دەپۋتات، مەملەكەتشىل مينيستر، ديپلومات رەتىندە تانىلعان. ءبىزدىڭ پارتيامىزعا العاش رەت وسىنداي اۋقىمداعى مەملەكەتتىك، ساياسي جانە قوعام قايراتكەرى كەلدى، ونىڭ تاجىريبەسى مول، ءبىلىمى مەن تاجىريبەسى جەتەرلىك»، - دەپ اتاپ وتكەن جيىن قاتىسۋشىلارى ە. ەرتىسبايەۆتىڭ كانديداتۋراسىن ءبىراۋىزدان ماقۇلداندى.

ءوز كەزەگىندە جاڭا ءتوراعا پارتيا مۇشەلەرىنە سەنىم بىلدىرگەندەرى ءۇشىن العىسىن ءبىلدىرىپ، بۇل سەنىمدى جان- جاقتى اقتاۋ ءۇشىن ءوز كۇشىن، ءبىلىمى مەن ساياسي تاجىريبەسىن بارىنشا جۇمساۋعا ۋادە بەردى. سونىمەن قاتار ق ح پ- عا دەگەن ەل سەنىمى ايتارلىقتاي ءوسىپ كەلە جاتقانىن ايتتى. «حالىق پارتياسى» دەگەن اتاۋدىڭ ءوزى ۋاقىت وتە كەلە ءماسليحاتتاردا دا، ماجىلىستە دە، سەناتتا دا باسىم بولۋى ءتيىس دەگەندى بىلدىرەدى»، - دەدى ە. ەرتىسبايەۆ.

قازاقستان حالىق پارتياسى (ق ح پ)- 2004-2020 - جىلدارى «قازاقستان كوممۋنيستىك حالىق پارتياسى» دەپ اتالعان. 2020 - جىلى پارتيانىڭ كەزەكتەن تىس XV سەزىندە پارتيا اتاۋى «قازاقستاننىڭ حالىق پارتياسى» بولىپ وزگەرگەن.

سوڭعى جاڭالىقتار