سەمەي پوليگونىندا اسكەري بورىشىن وتەگەندەر «ارداگەر» مارتەبەسىن سۇراپ وتىر

None
None
نۇر- سۇلتان. قازاقپارات - كەزىندە سەمەي يادرولىق سىناق پوليگونىندا اسكەري مىندەتىن وتەگەن قازاقستاندىق ساربازدار، ولارعا «ارداگەر» مارتەبەسىن بەرىپ، الەۋمەتتىك جاعداي جاساۋدى تالاپ ەتىپ وتىر، دەپ حابارلايدى قازاقپارات ءتىلشىسى.

«بۇگىن ەلىمىزدىڭ ءار وڭىرىنەن سەمەي پوليگونىندا اسكەري مىندەتىن وتەگەن ساربازدار باس قوسىپ وتىرمىز. جينالۋداعى ماقساتىمىز - ۇكىمەتكە، قۇزىرلى ورگاندارعا ءۇنىمىزدى جەتكىزگىمىز كەلەدى. ءبىز كەزىندە سەمەي پوليگونىندا اسكەري مىندەتىن وتەگەن ساربازدارعا «ارداگەر» ارنايى مارتەبەسىن بەرسە ەكەن دەيمىز. ءبىز 2 جىل بويى سەمەي پوليگونى اۋماعىندا اسكەري بورىشىمىزدى وتەدىك. ءتيىستى دەڭگەيدە كوڭىل ءبولىنىپ، مەملەكەت تاراپىنان قاجەتتى الەۋمەتتىك كومەك كورسەتىلۋىن تالاپ ەتەمىز. مىسالى، چەرنوبىلدا بولعان ماماندارعا 2 كۇن بولسا دا، ءتيىستى دەڭگەيدە الەۋمەتتىك تولەمدەردى وتەيدى. ال ءبىز 2 جىل ءومىرىمىزدى سەمەي پوليگونىندا وتكىزدىك. بۇگىندە سەمەيدە اسكەري بورىشىن وتەگەندەردىڭ الدى 70-تە، ارتى 50 جاسقا كەلدى»، - ق ر سەمەي يادرولىق سىناق پوليگونى ەرەكشە تاۋەكەل ەتۋشىلەر ءبولىمىنىڭ ارداگەرلەرى مەن مۇگەدەكتەرى بىرلەستىگىنىڭ ءتوراعاسى ەرجان دۇيسەنبايەۆ.

ونىڭ ايتۋىنشا، سەمەي پوليگونىندا اسكەري مىندەتىن وتەگەن جاندار وسىعان دەيىن دە قۇزىرلى ورگاندارعا تالاپ- تىلەكتەرىن جەتكىزگەن.

«كوبىسىنىڭ دەنساۋلىعى سىر بەرىپ جاتىر. جاس كەلگەن سايىن وڭاي ەمەس، وڭالتۋدى تالاپ ەتەدى. اكىمدىك، مينيسترلىكتەرگە حابارلاسقانىمىزدا ارنايى جۇمىس توبى بار، ماسەلەنى قاراستىرىپ جاتىرمىز دەگەن جاۋاپ الدىق. بۇگىنگى شاراعا ءبىراز وڭىردەن وكىلدەر كەلىپ وتىر. قورعانىس، ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ مينيسترلىگىنە ارنايى حات جولداپ، بۇگىنگى جيىنعا شاقىردىق. ارنايى مارتەدەن بولەك، الەۋمەتتىك جاعداي جاسالسا دەيمىز. كەيبىر وڭىردە ارنايى الەۋمەتتىك تولەم بەرىلەدى، ال كەي ايماقتا مۇلدەم ەشتەڭە تولەنبەيدى. نەگە بۇلاي؟ زاڭ ورتاق ەمەس پە؟»، - دەيدى ول.

سونداي- اق، بيىل اقپاندا سەمەي پوليگونىندا اسكەردە بولعان جاندار بىرىگىپ رەسپۋبليكالىق دەڭگەيدە بىرلەستىك قۇرعان ەكەن.

اۆتور: ءالي يبرايەۆ

سوڭعى جاڭالىقتار