قازاقستان امەريكالىق كومپانيامەن داۋدا جەڭىسكە جەتتى

None
None
نۇر- سۇلتان. قازاقپارات - امەريكالىق مۇناي كومپانياسى بەرگەن تالاپ- ارىزعا قاتىستى قازاقستان رەسپۋبليكاسىنىڭ پايداسىنا شىعارىلعان تورەلىك شەشىم كۇشىنە ەندى.

بۇل تۋرالى ق ر ادىلەت مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«2022 -جىلعى 25- ناۋرىزدا 460,1 ميلليون ا ق ش دوللارى سوماسىنا

«Big Sky Energy Corporation» («Big Sky») مۇناي كومپانياسى بەرگەن تالاپ ارىز بويىنشا قازاقستان رەسپۋبليكاسىنىڭ پايداسىنا شىعارىلعان تورەلىك شەشىم كۇشىنە ەندى. ينۆەستيتسيالىق داۋلاردى رەتتەۋ جونىندەگى حالىقارالىق ورتالىقتىڭ تريبۋنالى Big Sky مۇناي كومپانياسىنىڭ قازاقستان رەسپۋبليكاسىنا قارسى بارلىق تالاپ- ارىز تالاپتارى بويىنشا باس تارتىپ، قورعاۋعا جۇمسالعان تورەلىك شىعىندار ءۇشىن قازاقستان رەسپۋبليكاسىنا شامامەن 575 مىڭ ا ق ش دوللارى كولەمىندە وتەماقى تولەۋ تۋرالى شەشىم شىعاردى. اپەللياتسيانىڭ مەرزىمى 2022 -جىلدىڭ 24- ناۋرىزىندا اياقتالعانىن جانە Big Sky وسى شەشىمنىڭ كۇشىن جويۋ تۋرالى ءوتىنىش بىلدىرمەگەنىن ەسكەرە وتىرىپ، تورەلىك ەندى اياقتالدى دەپ سانالادى»، - دەلىنگەن مينيسترلىكتىڭ اقپاراتىندا.

ايتا كەتەرلىگى، تورەلىك پروتسەسس بارىسىندا Big Sky كومپانياسى مەملەكەتپەن بايلانىسى جوق ءۇشىنشى تۇلعالارمەن جەكە كەلىسىمشارتتاردى ورىنداۋعا بايلانىستى 460,1 ميلليون ا ق ش دوللارى سوماسىندا ەلەۋلى زالالدى قازاقستان رەسپۋبليكاسىنان ءوندىرىپ الۋعا تىرىسقان ەدى. بۇل ىستە ەلىمىزدىڭ مۇددەسىن ادىلەت مينيسترلىگى «Reed Smith LLP» زاڭ فيرماسىمەن بىرلەسىپ ءساتتى قورعادى.

«تورەلىك تريبۋنالدىڭ شەشىمى قازاقستان رەسپۋبليكاسىنىڭ نەگىزدەلگەن ۇستانىمىن تولىق راستايدى. قازاقستان رەسپۋبليكاسىنىڭ وسى جانە باسقا دا تابىستارى تورەلىك تالقىلاۋلاردا مەملەكەتتىڭ مۇددەلەرىن قورعاۋ جونىندەگى ءتيىمدى ستراتەگيانى قامتاماسىز ەتۋ بويىنشا ۇزاق جىلدار بويى جيناقتالعان اۋقىمدى تاجىريبەنى كۋالاندىرادى. Big Sky ءالى كۇنگە دەيىن قازاقستان رەسپۋبليكاسىنا وعان بەرىلگەن، مەملەكەتتىك بيۋدجەتكە اۋدارىلۋى ءتيىس شىعىستاردى تولەمەگەن. قازاقستان رەسپۋبليكاسى شىعىستاردىڭ وتەمىن بەرۋ جونىندەگى شەشىمدى ورىنداۋ جونىندە ءتيىستى قادامدار جاسايدى. ادىلەت مينيسترلىگى ءتيىستى قۇقىقتىق تەتىكتەردى پايدالانا وتىرىپ، شەتەلدىك تورەلىكتەردە مەملەكەتتىڭ مۇددەلەرىن ءبىلدىرۋ جونىندەگى جۇمىستى جالعاستىرادى»، - دەدى وسى شەشىمگە قاتىستى تۇسىنىكتەمە بەرگەن ادىلەت ءمينيسترى قانات مۋسين.

اۆتور: مارلان جيەمباي

سوڭعى جاڭالىقتار