قازاقستاندىق جاس ونەرتاپقىش «ۇشاتىن فەرمەر» اپپاراتىن قۇراستىردى

قىزىلوردا. قازاقپارات - قىزىلوردا قالاسىنداعى نازاربايەۆ زياتكەرلىك مەكتەبىنىڭ وقۋشىسى نۇربول جاقسىلىق اۋىل شارۋاشىلىعى سالاسىندا قولدانۋعا ىڭعايلى «ۇشاتىن فەرمەر» اپپاراتىن قۇراستىردى، دەپ حابارلايدى قازاقپارات ءتىلشىسى.

بۇل قوندىرعىلار ۇلكەن القاپتاردى تىنايتقىشتارمەن قۇنارلاندىرۋعا مۇمكىندىك بەرەدى.

«بۇگىندە پيلوتسىز ۇشۋ اپپاراتتار تەحنولوگياسى قارقىندى دامىپ كەلەدى. قازىرگى تاڭدا ءوندىرىستىڭ كوپتەگەن سالالارى اۆتوماتتاندىرىلعان جۇيەگە كوشۋدە. ءبىزدىڭ جوبامىز ەگىن سالاسىندا پيسلوتسىز ۇشۋ اپپاراتتارىن قولدانۋعا باعىتتىلعان. بۇل ۇلكەن اۋماقتاردى تىنايتقىشتارمەن بايىتۋعا مۇمكىندىك بەرەدى. «ۇشاتىن فەرمەردىڭ» وزگە درونداردان ايىرماشىلىعى - ۇشۋ ۋاقىتىنىڭ ۇزاقتىعى، ءارى كليماتتىق جاعدايعا ءتوزىمدى بولىپ كەلدى»، - دەيدى جاس ونەرتاپقىش.