ورال اۋەجايى ەندى قازاقتىڭ باتىر قىزىنىڭ اتىمەن اتالاتىن بولدى

ورال. قازاقپارات - ورال حالىقارالىق اۋەجايىنا كەڭەس وداعىنىڭ باتىرى مانشۇك مامەتوۆانىڭ ەسىمى بەرىلدى، دەپ حابارلايدى قازاقپارات ءتىلشىسى.

ب ق و تىلدەردى دامىتۋ باسقارماسى ءمالىم ەتكەنىندەي، اۋەجايعا م. مامەتوۆانىڭ ەسىمىن بەرۋ تۋرالى ق ر ۇكىمەتىنىڭ 18-ناۋرىزداعى قاۋلىسى شىقتى. قاۋلى شىققان كۇننەن باستاپ كۇشىنە ەندى. مانشۇك مامەتوۆا 1922 -جىلى باتىس قازاقستان وبلىسى بوكەي ورداسى اۋدانىندا دۇنيەگە كەلگەن. اكەسىنىڭ ەسىمى - جەڭسىگالى (كوپتەگەن دەرەكتەردە جيەنعالي دەپ قاتە جازىلىپ كەتكەن)، اناسى - تويىلشا.

مانشۇكتى كىشكەنتاي كەزىندە جەڭسىگالىنىڭ نەمەرە ءىنىسى، بەلگىلى الاش قايراتكەرى، قازاقتان شىققان العاشقى دارىگەرلەردىڭ ءبىرى، اقىن، اعارتۋشى احمەت مامەتوۆ اسىراپ الادى. اناسى ءامينا سۇلەيمەنوۆا دا - قازاق وقىعاندارىنىڭ ءبىرى. 1938 -جىلى ا. مامەتوۆ «حالىق جاۋى» اتانىپ ۇستالىپ كەتكەننەن كەيىن مانشۇك اكەسىن قالايدا اقتاپ الامىن دەپ، مايدانعا اتتانعان. سودان پۋلەمەتشى قىز 1943 -جىلى 16-قازاندا قاھارماندىقپەن قازا تاپقان. وعان 1944 -جىلى كەڭەس وداعىنىڭ باتىرى اتاعى بەرىلدى. بيىل باتىس قازاقستان وبلىسىندا مانشۇك مامەتوۆانىڭ 100 جىلدىعىنا ارنالعان ءىس-شارالار وتەدى.

ەسكە سالا كەتەيىك، بۇدان بۇرىن ورال اۋەجايىنا مانشۇك مامەتوۆانىڭ ەسىمىن بەرۋ ۇسىنىلعانىن جازعان بولاتىنبىز.