نوكاۋتپەن جەڭىسكە جەتكەن قازاقستاندىق بوكسشىنىڭ كەلەسى ايقاسىنىڭ ۋاقىتى بەلگىلى بولدى

نۇر-سۇلتان. قازاقپارات - ورتا سالماقتاعى قازاقستاندىق بوكسشى تەمىرلان رايىمقۇلوۆتىڭ (5-1-2، 1 ك و) كەلەسى جەكپە-جەگىنىڭ داتاسى بەلگىلى بولدى، دەپ حابارلايدى قازاقپارات Sports.kz-كە سىلتەمە جاساپ.

BoxRec.com. مالىمەتى بويىنشا، رايىمقۇلوۆتىڭ رينگكە ورالۋى 24-ماۋسىمدا فيلادەلفيادا (پەنسيلۆانيا، ا ق ش) جوسپارلانعان. الايدا، قارسىلاسىنىڭ ەسىمى ءالى اتالمادى.

ەستەرىڭىزگە سالا كەتەيىك، 26 ناۋرىز كۇنى تاڭەرتەڭ تەمىرلان فيلادەلفيا قالاسىندا جەرگىلىكتى بوكسشى يساي سەلدونعا (14-5-1، 5 ك و) قارسى جەكپە-جەك وتكىزىپ، ءتورتىنشى راۋندتا تەحنيكالىق نوكاۋتپەن جەڭىسكە جەتكەن بولاتىن. قازاقستاندىق بوكسشى رينگكە ۋكراينانىڭ تۋىمەن شىعىپ، جەكپە-جەكتەن كەيىن بەرگەن سۇحباتىندا وسى ەلگە قولداۋ ءبىلدىردى.