ستەپنوگورداعى اپاتتى جاعداي: قالادا بىرنەشە تۇرعىن ءۇي جىلۋسىز قالدى

None
None
كوكشەتاۋ. قازاقپارات - ستەپنوگورداعى جەو جىلۋ جۇيەلەرىندەگى اقاۋدان، بىرنەشە شاعىن اۋدانداعى كوپتەگەن تۇرعىن ۇيلەر جىلۋسىز قالدى.

بۇل تۋرالى قالا تۇرعىندارى الەۋمەتتىك جەلىگە شاعىمدارىن ايتىپ جازدى، دەپ حابارلايدى قازاقپارات ءتىلشىسى.

قالا تۇرعىندارىنىڭ ايتۋىنشا، بيىلعى جىلدىڭ سوڭعى ەكى ايىندا ستەپنوگوردەگى ج ە و- دا وسىمەن ءتورتىنشى رەتى اپات ورىن الىپ وتىر.

«وسىنىڭ سالدارىنان قالا تۇرعىندارى جىلۋسىز جانە سۋسىز قالدى. قالا باسشىلىعى جىلۋ اگرەگاتتارىنداعى اقاۋدى سىلتاۋ ەتىپ، تۇرعىندارعا تۇسىنىستىك تانىتۋعا شاقىرادى. ارزان ەمەس كوممۋنالدىق اقى تولەپ وتىرعان تۇرعىنداردىڭ جاعدايىن كىم تۇسىنەدى؟ «، - دەپ جازدى قالا تۇرعىندارى الەۋمەتتىك جەلىلەرگە.

وسى رەتتە «ستەپنوگور ج ە و» جشس باسشىلىعى جىلۋ جەلىلەرى توزعاندىقتان اپاتتى جاعداي ورىن الىپ وتىرعانىن ايتىپ اقتالۋدا.

«قالاداعى جىلۋ جۇيەلەرىنىڭ ابدەن توزعاندىعىنان بيىلعى جىلىتۋ ماۋسىمىندا بىرنەشە رەت اپاتتى جاعدايلار ورىن الدى. سول سەبەپتى، جىلۋدى ۋاقىتشا توقتاۋعا تۋرا كەلدى»، - دەپ جاۋاپ بەردى تۇرعىنداردىڭ الەۋمەتتىك جەلىدەگى شاعىمدارىنا «ستەپنوگور ج ە و» جشس اكىمشىلىگى.

سونىمەن بىرگە، كاسىپورىن باسشىلىعى قازىرگى تاڭدا اقاۋدى جويۋ جۇمىستار قولعا الىنعانىن جانە جاقىن ۋاقىتتا قالا جىلۋمەن تولىق قامتاماسىز ەتىلەتىن ايتۋدا.

«قازىرگى ۋاقىتتا قالانى جىلىتۋ ءۇشىن جىبەرىلگەن ىستىق سۋدىڭ تەمپەراتۋرا 54 س قۇرايدى. قالا بويىنشا بارلىعى 13 ماگيسترالدى قۇدىق بار، تيىسىنشە شاعىن اۋداندار بويىنشا ىستىق سۋدى وتكىزۋ مەن جىلۋ بەرۋ ءارتۇرلى بولادى. ءدال قازىر ج ە و- دان شىعۋ كەزىندە ىستىق سۋدىڭ تەمپەراتۋراسى 95C ، ال پروگرەسس كەزىندە 88C قۇرايدى. ساعات 16:00-گە دەيىن ج ە و- دان شىعاتىن ىستىق سۋدىڭ تەمپەراتۋراسىن 105C دەيىن كوتەرۋ جوسپارلانۋدا»، - دەپ تولىقتىردى «ستەپنوگور ج ە و» ج ش س اكىمشىلىگى.


اسلان وسپانوۆ.

سوڭعى جاڭالىقتار