گەرمانيا رەسەي ەنەرگيا رەسۋرسىنان قاشان باستا تارتادى

None
None
نۇر-سۇلتان.قازاقپارات - رەسەيدىڭ ەنەرگيا رەسۋرستارىنان قاشان باس تارتاتىنىن ەلدىڭ ۆيتسە- كانتسلەرى، ەكونوميكا ءمينيسترى روبەرت حابەك مالىمدەدى، دەپ حابارلايدى.

ساياساتكەردىڭ ايتۋىنشا، گەرمانيا جازعا قاراي رەسەي مۇنايىنىڭ يمپورتىن 2 ەسە ازايتادى. ال بيىل ودان ءبىرجولا باس تارتپاق. بۇدان باسقا گەرمانيا رەسەي كومىرىنىڭ دە كولەمىن 2 ەسە كەمىتىپ، كۇزدە مۇلدە توقتاتادى. گاز يمپورتى وسى ايدا 55 پروتسەنتتەن 40 پروتسەنتكە تومەندەيدى. ەستەرىڭىزگە سالا كەتەيىك، گەرمانيا كاتارمەن ۇزاق مەرزىمدى ەنەرگەتيكالىق ىنتىماقتاستىققا قول جەتكىزگەن. وسى كەلىسىم اياسىندا سۇيىتىلعان تابيعي گاز جەتكىزىلەدى. بۇل جوباعا ەۋرووداقتىڭ باسقا ەلدەرى قوسىلماق نيەتتە.

روبەرت حابەك، ۆيتسە- كانتسلەر، گ ف ر ەكونوميكا ءمينيسترى:

- كەلەسى جىلعا دەيىن ءبىز سۇيىلتىلعان گازدى قابىلداۋ مۇمكىندىگىمىزدى كەڭەيتەمىز دەپ ۋادە بەرە المايمىن، سەبەبى بۇل ءىستى جوسپارلاۋ جانە قۇرۋ ۇدەرىسى 5-7 -جىلعا سوزىلادى. ءبىراق قازىر ءبىز مۇنى جەدەلدەتە الامىز دەپ ايتا الامىن. سوندا جازعا قاراي گەرمانيانىڭ رەسەي گازىنا تاۋەلدىلىگى ءبىرشاما ازايادى. جوسپارىمىز وسىنداي. ءقازىردىڭ وزىندە رەسەي كومىرىنە، مۇنايى مەن گازىنا تاۋەلدىلىك ازايىپ كەلەدى.

www.24.kz


سوڭعى جاڭالىقتار